Asesu er mwyn dysgu: cwestiynu effeithiol
Dim ond ar gyfer aelodau NTfW mae’r digwyddiad hwn ar gael
Dyddiad a Lleol
30 Tachwedd 2017 – Hyfforddiant Cambrian, Canolfan Ragoriaeth, Tŷ Cambrian, Uned 14, Parc Menter Fferm Hafren, y Trallwng, Powys SY21 7DF
Amser:
10.00am – 4.00pm
Cost:
£45.00 (a fydd yn cynnwys paneidiau a chinio)
Wedi cael llond bol o geisio tynnu’r atebion cywir o’ch dysgwyr? Bydd y gweithdy hwn yn eich helpu i gwestiynu’n fwy effeithiol er mwyn cael rhagor gan eich dysgwyr, cael gwybod beth y maent yn ei wybod a’ch helpu i gynllunio gyda’ch gilydd beth i’w wneud nesaf.
Yn dilyn sesiwn datblygiad proffesiynol lwyddiannus NTfW ar Asesu ar gyfer Dysgu (Adolygu er mwyn Gwella), byddwn yn ystyried yn fwy manwl sut y gellir defnyddio gwahanol fathau o gwestiynu gyda dysgwyr i’w cael trwy eu cymwysterau’n effeithiol.
Ar gyfer pwy mae’r gweithdy hwn yn addas?
Aseswyr cymwysterau galwedigaethol lefelau 1 – 4; tiwtoriaid a hyfforddwyr
Deilliannau Dysgu:
Erbyn diwedd y dydd, bydd y rhai sy’n bresennol wedi cael cyfle i:
- ystyried cwestiynau gwahaniaethu gan ddefnyddio tacsonomeg dysgu Bloom (yn cynnwys ymestyn a herio)
- ystyried cwestiynau/technegau i’w defnyddio gyda’r dosbarth cyfan
- defnyddio cwestiynau yn null “coaching” i annog dysgwyr i fyfyrio am eu dysgu eu hunain a chymryd cyfrifoldeb drosto
Ros Protheroe
Cyfarwyddwr, Panda Education and Training
Bu Ros yn gweithio yn y sector Dysgu Seiliedig ar Waith ers 17 mlynedd. Dechreuodd fel tiwtor TG yn helpu oedolion yn ôl i’r gweithle ac enillodd ei TAR mewn Addysg a Hyfforddiant Ôl-orfodol yn 2005. Ers hynny bu mewn swyddi fel Hyfforddwr TG Arweiniol, Dilysydd Mewnol, Rheolwr Ansawdd ac Uwch Reolwr Ansawdd. Am dair blynedd hyd at fis Awst y llynedd, bu’n Rheolwr Dysgu a Datblygu Staff, yn darparu ac yn cydlynu gweithgareddau datblygu ar gyfer dros 300 o staff, gan ganolbwyntio ar addysgu a dysgu creadigol a dyfeisgar.
Ym mis Awst y llynedd, lansiodd Ros Panda Education & Training gyda’i phartner busnes a’i chyn-gydweithwraig, Rachel Arnold.
Y prif beth sy’n gyrru Ros yw sicrhau bod addysgwyr galwedigaethol yn cael y cymorth iawn i gynnig yr hyfforddiant gorau, mwyaf dyfeisgar a chreadigol sy’n bosib. Ar hyn o bryd mae’n gwneud gradd Meistr mewn Addysg, gan ymchwilio i effaith arsylwi ar ansawdd dysgu.
Rachel Arnold
Cyfarwyddwr, Panda Education and Training
Bu Rachel Arnold yn gweithio ym maes Dysgu Seiliedig ar Waith ers 17 mlynedd. Dechreuodd fel Asesydd a Thiwtor ar raglenni prentisiaethau a chyflogadwyedd.
Yn 2002, symudodd Rachel ymlaen i reoli tîm bach o aseswyr a thiwtoriaid. Trwy ganolbwyntio ar safon y cyflenwi er mwyn sicrhau canlyniadau da i’r dysgwyr, yn 2007 daeth yn Gyfarwyddwr Datblygu Ansawdd. Bu Rachel yn gyfrifol am reoli ansawdd, y cwricwlwm a datblygu staff am 9 mlynedd. Erbyn hyn, mae Rachel yn Gyfarwyddwr gyda Panda Education & Training ac mae’n credu’n angerddol mewn datblygu sgiliau galwedigaethol.
Yn ddiweddar, penodwyd hi’n Bencampwr y sector TG a Menter a’r Cyfryngau Creadigol yng Nghymru fel rhan o’r prosiect Ysbrydoli Rhagoriaeth Sgiliau yng Nghymru.
Cysylltwch ag info@ntfw.org neu ffonio 029 20495 861 i gael gwybod rhagor.