Sut mae Prentisiaeth Rheoli Prosiect Educ8 Training wedi helpu Sian i ddyrchafu ei busnes i’r lefel nesaf
Sian Shepphard, Cyfarwyddwr Shepphard Properties Ltd
Mae stori Sian yn dangos sut y gall prentisiaeth Rheoli Prosiect Lefel 4 Educ8 Training gefnogi entrepreneuriaid a pherchnogion busnesau bach i dyfu eu hyder.
Mae Sian Shepphard, Cyfarwyddwr Shepphard Properties Ltd, yn brawf byw y gallwch chi fod yn fos eich hun a dal i roi hwb i’ch sgiliau trwy brentisiaeth.
Ar ôl treulio blynyddoedd mewn lletygarwch yn rhedeg tafarndai, cymerodd Sian gam beiddgar yn ystod y pandemig a lansio ei busnes adnewyddu eiddo ei hun. Gan chwilio am ffyrdd o gryfhau ei gwybodaeth a dod â strwythur i’w menter newydd, penderfynodd archwilio prentisiaeth gydag Educ8 Training.
Meddai Sian:
‘Cefais alwad ffôn pan oeddwn i’n rhedeg y dafarn. Fe wnaethon nhw ofyn a oedd unrhyw aelod o’m staff yn awyddus i wneud cymhwyster. Roeddwn i newydd ddechrau fy nghwmni eiddo.’
Y sgwrs honno gyda thîm gwerthu Educ8 oedd y catalydd i Sian gofrestru ar ei phrentisiaeth Rheoli Prosiect Lefel 4. Rhoddodd y cwrs yr hyder, yr offer a’r wybodaeth broffesiynol yr oedd ei angen arni i bontio’n esmwyth i’w llwybr gyrfa newydd.
Talodd ymrwymiad Sian i ddatblygu sgiliau yn ei busnes ar ei ganfed, pan gafodd ei henwi’n Newydd-ddyfodiad Gorau 2023 yng Ngwobrau Buddsoddwyr Eiddo Cymru, sy’n dyst i’w hymroddiad a’i thwf.
Cymorth wedi’i deilwra a wnaeth wahaniaeth gwirioneddol
Rhan bwysig o daith Sian oedd y gefnogaeth bersonol a gafodd gan Kevin O’Brien , ei hanogwr hyfforddwr o Educ8.
‘Roedd Kev yn hollol anhygoel. Mewn gwirionedd, dwi ddim yn credu y byddwn wedi gallu gwneud hwn hebddo. Mae’n addasu i arddull dysgu ei ddysgwr, sy’ mor bwysig. Mae’n anhygoel.’
Daw rhedeg busnes ar eich pen eich hun â’i heriau, a gwnaeth cael mentor fel Kevin wneud gwahaniaeth enfawr i gydbwysedd bywyd a gwaith Sian. Roedd ei gefnogaeth yn allweddol i gynnal ei diddordeb a’i chymhelliant trwy gydol ei chymhwyster.
Dysgu ymarferol gydag effaith wirioneddol ar fusnes
Roedd Sian yn gwerthfawrogi’n arbennig ffocws y brentisiaeth ar ddysgu seiliedig ar waith, a oedd yn caniatáu iddi gymhwyso’r hyn yr oedd hi’n ei ddysgu ar unwaith i’w gweithrediadau o ddydd i ddydd.
‘Pan oeddwn i’n rhoi’r sgiliau hynny roeddwn i wedi’u dysgu ar waith ac yn cyflwyno’r termau technegol, roedd yn ddefnyddiol iawn. Fe wnes i ehangu fy sylfaen wybodaeth.’
Cwblhaodd ei phrentisiaeth ym mis Rhagfyr 2024, gyda hyder newydd, dealltwriaeth ddyfnach o egwyddorion rheoli prosiectau, a sylfaen gryfach ar gyfer rhedeg ei busnes.
A fyddai Sian yn argymell Educ8?
‘Byddwn i’n eu hargymell 100%. Byddwn yn annog unrhyw un sy’n cael y cyfle i ymgymryd â phrentisiaeth gydag Educ8 oherwydd maen nhw wedi bod yn anhygoel i mi.’
Mae Grŵp Educ8 yn parhau i eirioli dros brentisiaethau a grymuso busnesau ac unigolion ledled Cymru i fuddsoddi yn eu dyfodol. Gydag amrywiaeth eang o gymwysterau, mae cyfle i bawb ffynnu.
I gael rhagor o wybodaeth am brentisiaethau, ewch i: educ8training.co.uk neu cysylltwch â ni i ddarganfod sut y gallwch chi dyfu eich busnes.
More News Articles
« Pecyn Cymorth Newydd i Ysgogi Twf Digidol i Fusnesau Gogledd Cymru — Itec yn ymuno â’r 5 cyflogwyr gorau yn y DU gan ennill wobr Platinwm ‘Buddsoddwyr mewn Pobol’ »
