Gwobrau Ysbrydoli! Sefydliad Dysgu a Gwaith Cymru: Galwad am enwebiadau
Mae Sefydliad Dysgu a Gwaith Cymru yn croesawu enwebiadau ar gyfer Gwobrau Addysg Oedolion Ysbrydoli! a Gwobrau Tiwtoriaid Ysbrydoli!. Trefnir y gwobrau blynyddol gan y Sefydliad Dysgu a Gwaith mewn partneriaeth â Llywodraeth Cymru a phartneriaid eraill.
Gwobrau Tiwtoriaid Ysbrydoli! 2021
Y tu ôl i oedolion sy’n ddysgwyr llwyddiannus, mae mentoriaid a thiwtoriaid sy’n eu hysbrydoli.
Mae’r gwobrau i Diwtoriaid yn ffordd o ddathlu’r dylanwad a gaiff tiwtoriaid wrth helpu oedolion i ddysgu i’w llawn botensial, gan drawsnewid eu bywydau. Bu’r amserau anodd hyn yn hwb i lawer o ddarparwyr dysgu fynd ati i greu ffyrdd newydd o ddysgu yn gynt nag y byddent wedi’i wneud fel arall – gan ddefnyddio dulliau digidol a chyfunol. Mae hyn wedi dangos pa mor wydn, dawnus ac ymroddgar yw’r gweithlu addysg oedolion ledled Cymru.
Mae Sefydliad Dysgu a Gwaith Cymru yn chwilio am diwtoriaid a mentoriaid eithriadol yng Nghymru y mae eu hymroddiad, eu gwybodaeth a’u sgiliau wedi annog oedolion sy’n ddysgwyr i anelu at eu nod a dilyn eu breuddwydion gan roi’r hyder iddynt drawsnewid eu bywydau.
Bydd y tiwtoriaid a’r mentoriaid yn gweithio yn y sectorau neu’r lleoliadau isod:
- Addysg Uwch
- Addysg Bellach
- Gweithle
- Addysg Gymunedol
- Cymraeg i Oedolion
- Ysgol neu leoliad arall
Bydd gwobr arbennig i gydnabod cyfraniad y sector addysg oedolion at gefnogi unigolion a chymunedau mewn ymateb i’r pandemig.
Ewch i wefan Sefydliad Dysgu a Gwaith Cymru i weld y canllawiau a’r ffurflen gais ac i ddysgu mwy am y gwobrau.
Os bydd arnoch angen ysbrydoliaeth, gwyliwch straeon enillwyr y llynedd.
Rhaid cyflwyno enwebiadau ar gyfer Gwobrau Tiwtoriaid Ysbrydoli! erbyn y dyddiad cau sef 8 Ionawr 2021.
Gwobrau Addysg Oedolion Ysbrydoli! 2021
Cewch enwebu unigolion, teuluoedd, prosiectau a sefydliadau y bydd eu llwyddiannau wrth ddysgu yn ysbrydoli eraill i ddychwelyd at ddysgu neu i droi ato – pobl sydd wedi gwella eu bywydau nhw a/neu fywydau pobl eraill ac wedi cael profiad cadarnhaol neu un sydd wedi trawsnewid eu bywyd trwy ddysgu fel oedolion.
Categorïau 2021:
Gwobrau Unigolion a Theuluoedd
- I Mewn i Waith
- Oedolion Ifanc
- Newid Bywyd a Chynnydd
- Iechyd a Llesiant
- Heneiddio’n Dda
- Cychwyn Arni – Dechreuwyr Cymraeg
- Gorffennol Gwahanol: Rhannu Dyfodol
- Dysgu fel Teulu
- Sgiliau Hanfodol Bywyd (Categori NEWYDD)
Gwobrau i Brosiectau a Sefydliadau
- Prosiect Effaith Gymunedol
- Sgiliau yn y Gwaith
Ewch i wefan Sefydliad Dysgu a Gwaith Cymru i weld y canllawiau a’r ffurflen gais ac i ddysgu mwy am y gwobrau.
Rhaid cyflwyno enwebiadau ar gyfer Gwobrau Addysg Oedolion Ysbrydoli! erbyn y dyddiad cau sef 19 Chwefror 2021
Os bydd arnoch angen ysbrydoliaeth, edrychwch ar straeon enillwyr y gorffennol.
Help to raise awareness of the awards by circulating our taflen.
Ebostiwch: inspire@learningandwork.org.uk os oes gennych ryw gwestiwn am y broses enwebu.
Byddwch yn rhan o’r dathliad a rhannu’ch straeon ar gyfer y gwobrau trwy gyflwyno cais – dylai pob enwebiad a gyflwynir fod yn hwb i ddathlu addysg oedolion. Defnyddiwch y gwobrau hyn fel cyfle i ddathlu llwyddiant ardderchog y sawl rydych yn ei enwebu trwy gynnal seremoni yn lleol neu’n rhanbarthol a thrwy ymuno â gŵyl ehangach Wythnos Addysg Oedolion.
Diolch i’n partneriaid: NTfW, Colegau Cymru, y Ganolfan Dysgu Cymraeg Genedlaethol, Prifysgolion Cymru a Phartneriaeth Addysg Oedolion Cymru am barhau i gefnogi’r gwobrau:
www.sefydliaddysguagwaith.cymru
More News Articles
« Diwygio Cymwysterau Adeiladu a’r Amgylchedd Adeiledig — Partneriaeth Sgiliau’n cyfrannu at lwybr adferiad Llywodraeth Cymru ar ôl COVID-19 »
