Llwyddo gyda dysgwyr lefel uwch
Dim ond ar gyfer aelodau NTfW mae’r digwyddiad hwn ar gael
Dyddiad a Lleoliad:
27 February 2018 – Coleg Cambria, Cei Connah, Glannau Dyfrdwy
Amser:
10.00am – 4.00pm
Cost:
£45.00 (a fydd yn cynnwys paneidiau a chinio)
Bydd y gweithdy hwn yn canolbwyntio ar baratoi aseswyr i gyflenwi Prentisiaethau Uwch.
Mae angen i ddysgwyr sy’n dilyn Prentisiaethau Uwch berchnogi eu dysgu a datblygu eu hannibyniaeth. Ond… Beth mae hynny’n ei olygu i ni, fel aseswyr?
Mae’n golygu ffordd wahanol o asesu, gan ganolbwyntio mwy ar ddatblygu sgiliau ymchwil ac astudio annibynnol ein dysgwyr a gallu gweld cyfleoedd ar gyfer gwaith prosiect a fydd yn gwneud gwahaniaeth go iawn i’r cyflogwr.
Ond mae dysgwyr lefel uwch yn aml yn rhy brysur i wneud y gwaith!
Yn ogystal, byddwn yn cynnig ffyrdd y gallwch ysgogi eich dysgwyr, a chymorth i gynllunio a strwythuro trafodaethau proffesiynol er mwyn manteisio i’r eithaf ar eich sesiynau asesu.
Ar gyfer pwy y mae’r gweithdy hwn?
Aseswyr sy’n cyflenwi Prentisiaethau Uwch
Deilliannau Dysgu:
Erbyn diwedd y dydd, bydd y rhai sy’n bresennol wedi cael cyfle i:
- ystyried y gwahaniaeth rhwng cymhelliad mewnol a chymhelliad allanol
- ystyried pwysigrwydd cymhelliad mewnol a sut y gallwn rymuso rhai dysgwyr i symud o gymhelliad allanol i gymhelliad mewnol er mwyn dysgu’n effeithiol
- cydnabod pwysigrwydd dysgu sgiliau astudio academaidd, yn cynnwys sgiliau ymchwilio, i brentisiaid uwch
- ystyried gwaith cynllunio trafodaethau proffesiynol a’r dulliau o’u cynnal er mwyn gwneud y defnydd gorau o amser y dysgwr a’r asesydd
Ros Protheroe
Cyfarwyddwr, Panda Education and Training
Bu Ros yn gweithio yn y sector Dysgu Seiliedig ar Waith ers 17 mlynedd. Dechreuodd fel tiwtor TG yn helpu oedolion yn ôl i’r gweithle ac enillodd ei TAR mewn Addysg a Hyfforddiant Ôl-orfodol yn 2005. Ers hynny bu mewn swyddi fel Hyfforddwr TG Arweiniol, Dilysydd Mewnol, Rheolwr Ansawdd ac Uwch Reolwr Ansawdd. Am dair blynedd hyd at fis Awst y llynedd, bu’n Rheolwr Dysgu a Datblygu Staff, yn darparu ac yn cydlynu gweithgareddau datblygu ar gyfer dros 300 o staff, gan ganolbwyntio ar addysgu a dysgu creadigol a dyfeisgar.
Ym mis Awst y llynedd, lansiodd Ros Panda Education & Training gyda’i phartner busnes a’i chyn-gydweithwraig, Rachel Arnold.
Y prif beth sy’n gyrru Ros yw sicrhau bod addysgwyr galwedigaethol yn cael y cymorth iawn i gynnig yr hyfforddiant gorau, mwyaf dyfeisgar a chreadigol sy’n bosib. Ar hyn o bryd mae’n gwneud gradd Meistr mewn Addysg, gan ymchwilio i effaith arsylwi ar ansawdd dysgu.
Rachel Arnold
Cyfarwyddwr, Panda Education and Training
Bu Rachel Arnold yn gweithio ym maes Dysgu Seiliedig ar Waith ers 17 mlynedd. Dechreuodd fel Asesydd a Thiwtor ar raglenni prentisiaethau a chyflogadwyedd.
Yn 2002, symudodd Rachel ymlaen i reoli tîm bach o aseswyr a thiwtoriaid. Trwy ganolbwyntio ar safon y cyflenwi er mwyn sicrhau canlyniadau da i’r dysgwyr, yn 2007 daeth yn Gyfarwyddwr Datblygu Ansawdd. Bu Rachel yn gyfrifol am reoli ansawdd, y cwricwlwm a datblygu staff am 9 mlynedd. Erbyn hyn, mae Rachel yn Gyfarwyddwr gyda Panda Education & Training ac mae’n credu’n angerddol mewn datblygu sgiliau galwedigaethol.
Yn ddiweddar, penodwyd hi’n Bencampwr y sector TG a Menter a’r Cyfryngau Creadigol yng Nghymru fel rhan o’r prosiect Ysbrydoli Rhagoriaeth Sgiliau yng Nghymru.
Cysylltwch ag info@ntfw.org neu ffonio 029 20495 861 i gael gwybod rhagor.