{"id":10719,"date":"2024-06-20T07:00:57","date_gmt":"2024-06-20T06:00:57","guid":{"rendered":"https:\/\/www.ntfw.org\/wel\/?p=10719"},"modified":"2024-06-19T11:40:05","modified_gmt":"2024-06-19T10:40:05","slug":"landw-june-24","status":"publish","type":"post","link":"https:\/\/www.ntfw.org\/wel\/landw-june-24\/","title":{"rendered":"Ymunwch \u00e2 phartneriaeth ymgyrch Wynnes Addysg Oedolion y Sefydliad Dysgu a Gwaith ym mis Medi"},"content":{"rendered":"


\nEnglish<\/a> | Cymraeg<\/a><\/p>\n

\"\"<\/a><\/p>\n

Mae\u2019r Wythnos Addysg Oedolion yn ymgyrch flynyddol sy\u2019n rhoi cyfle arbennig i bobl gofleidio ail gyfle ar addysg a gwaith, gan arddangos effaith rymus dysgu gydol oes yng Nghymru. Bob blwyddyn mae\u2019r ymgyrch yn ysbrydoli miloedd o bobl i fynychu digwyddiadau arbennig, cofrestru ar gyfer cyrsiau a gofyn am gyngor ac arweiniad ar y cyfleoedd sydd ar gael iddynt i gynyddu eu sgiliau, gwella eu hyder a\u2019u lles, darganfod hob\u00efau newydd a gwneud cysylltiadau newydd.<\/p>\n

Mae\u2019r ymgyrch hefyd yn dathlu llwyddiannau gwych pobl, prosiectau a sefydliadau yng Nghymru sy\u2019n hyrwyddo ac yn cymryd rhan mewn ystod eang o ddysgu a sgiliau.<\/p>\n

Mae Dysgu a Gwaith yn croesawu sefydliadau ar draws llu o sectorau i gynllunio a chyflwyno gweithgaredd gyda ffocws ar gyfer wythnos yr ymgyrch (9-15 Medi<\/strong>) a thrwy gydol mis Medi. Mae enghreifftiau o\u2019r gweithgareddau yn cynnwys sesiynau blasu ar-lein ac wyneb yn wyneb, cyrsiau byr, dyddiau agored, adnoddau, gwybodaeth a chyngor, a digwyddiadau arbennig i ddangos nad yw hi byth yn rhy hwyr i ddysgu.<\/p>\n

Cafodd llwyfan yr Wythnos Addysg Oedolion<\/a> ei gynllunio i gynnal cynnwys dysgu ar-lein ac wyneb yn wyneb i gysylltu pobl gyda darpariaeth leol ar draws Cymru a thu hwnt. Y llynedd, roedd dros 600 rhestriad ar y llwyfan gan amrywiaeth o sefydliadau yn cynnwys y Brifysgol Agored yng Nghymru, Amgueddfa Cymru, Ymestyn yn Ehangach, UNISON, Canolfan Gwirfoddolwyr Caerdydd, darparwyr Dysgu Oedolion yn y Gymuned, TUC Cymru, Cymdeithas B\u00eal-droed Cymru, ac eraill.<\/p>\n

Dewch yn bartner i\u2019r ymgyrch, gan weithio gyda Dysgu a Gwaith i wneud dysgu gydol oes yn fwy hygyrch a gweladwy i oedolion ledled Cymru<\/strong>
\nBydd eich cyfraniad at yr ymgyrch yn helpu i gynyddu effaith a phroffil addysg oedolion yng Nghymru, gan alluogi mwy o bobl i ddatblygu\u2019r hyder i edrych am gyfleoedd newydd.<\/p>\n