{"id":10811,"date":"2024-09-09T12:06:19","date_gmt":"2024-09-09T11:06:19","guid":{"rendered":"https:\/\/www.ntfw.org\/wel\/?p=10811"},"modified":"2024-09-09T12:08:53","modified_gmt":"2024-09-09T11:08:53","slug":"alw-2024","status":"publish","type":"post","link":"https:\/\/www.ntfw.org\/wel\/alw-2024\/","title":{"rendered":"Cannoedd o gyrsiau am ddim ar gael ledled Cymru yn ystod Wythnos Addysg Oedolion"},"content":{"rendered":"


\nEnglish<\/a> | Cymraeg<\/a><\/p>\n

\"\"<\/a>

Wythnos Addysg Oedolion 2024<\/p><\/div>\n

Mae cannoedd o gyrsiau ar-lein ac mewn person, sesiynau blasu a digwyddiadau rhad ac am ddim yn cael eu cynnig ledled Cymru i hybu rhagolygon gyrfa, sgiliau, hyder a lles pobl yn ystod Wythnos Addysg Oedolion, a hynny rhwng y 9fed a\u2019r 15fed o Fedi.<\/p>\n

Wedi\u2019i chydlynu gan y Sefydliad Dysgu a Gwaith mewn partneriaeth \u00e2 Llywodraeth Cymru, mae\u2019r ymgyrch flynyddol hon yn rhoi\u2019r chwyddwydr ar gyfleoedd dysgu gydol oes yng Nghymru.<\/p>\n

Mae Wythnos Addysg Oedolion yn cyd-fynd \u00e2 chyhoeddi Arolwg Cyfranogiad Oedolion mewn Dysgu blynyddol y Sefydliad Dysgu a Gwaith. Mae\u2019n amlygu pwysigrwydd uwchsgilio\u2019n barhaus naill ai i ddod o hyd i swydd, i ddychwelyd i\u2019r gwaith neu ddatblygu gyrfa.<\/p>\n

Mae\u2019r arolwg hefyd yn pwysleisio effaith dysgu ar iechyd a lles, yn ogystal \u00e2 meithrin hyder i gyfrannu at ein cymunedau.<\/p>\n

Dywedodd ychydig llai na phedwar o bob pump (78 y cant) o ddysgwyr presennol neu ddiweddar eu bod yn debygol o ddysgu yn y dyfodol. Dywedodd dau o bob pump (42 y cant) o oedolion eu bod yn debygol o ddechrau dysgu yn y tair blynedd nesaf, a byddai\u2019r un ganran naill ai\u2019n hoffi neu angen newid eu gyrfa, diwydiant neu alwedigaeth yn ystod y flwyddyn neu ddwy nesaf.<\/p>\n

Fodd bynnag, adroddodd 70 y cant o oedolion nad ydynt wedi cymryd rhan mewn dysgu am y tair blynedd diwethaf fod ganddynt o leiaf un rhwystr i ddysgu. Mae\u2019r prif rwystrau\u2019n cynnwys pwysau gwaith ac amser, ynghyd \u00e2 chost dysgu, diffyg hyder, digalonni gan brofion ac arholiadau, a theimlo\u2019n rhy hen.<\/p>\n

Dyna pam mai nod Wythnos Addysg Oedolion yw gwneud cyfleoedd dysgu a sgiliau yn fwy hygyrch i bawb, ac ysbrydoli pobl i ddarganfod sut y gall dysgu newid eu bywydau.<\/p>\n

Mae’r wythnos yn rhoi cyfle i bobl gofleidio ail gyfle ym myd addysg a gwaith. Bydd oedolion o bob oed yn cael cyfle i ddechrau neu ailddechrau eu taith ddysgu gyda chyrsiau personol newydd a sesiynau ar-lein ar lefel mynediad trwy gydol mis Medi.<\/p>\n

Bydd cyngor a gwybodaeth ar gael yn lleol i ysbrydoli pobl i ddechrau dysgu fel ffordd o gynyddu eu cyflogadwyedd, adeiladu sgiliau bywyd a gwella ansawdd eu bywyd.<\/p>\n

Gall pobl fynychu digwyddiadau arbennig, ymuno \u00e2 chyrsiau a cheisio cyngor ac arweiniad ar y cyfleoedd sydd ar gael iddynt loywi eu sgiliau, gwella eu hyder a’u hiechyd a’u lles, darganfod hob\u00efau newydd a gwneud cysylltiadau.<\/p>\n

Bydd amrywiaeth o sgiliau digidol, celf a chrefft, iechyd a lles, rhifedd a llythrennedd, yn ogystal \u00e2 sgiliau bywyd a swydd, yr amgylchedd, ieithoedd a gwyddorau cymdeithasol ar gael.<\/p>\n

Dywedodd Joshua Miles, Cyfarwyddwr y Sefydliad Dysgu a Gwaith:<\/strong> \u201cMae dysgu yn daith gydol oes a all gyfoethogi ein bywydau mewn sawl ffordd. Rydym yn dysgu am lawer o resymau – i wella ein rhagolygon gyrfa, ar gyfer ein hiechyd neu les, i wneud i ni deimlo’n fwy hyderus neu hyd yn oed dim ond oherwydd bod gennym ddiddordeb mewn rhywbeth.<\/p>\n

\u201cMae gan bob un ohonom y potensial i ddysgu rhywbeth newydd ac wrth wneud hynny byw bywyd mwy bodlon. Nawr, yn fwy nag erioed, mae\u2019n bwysig ein bod yn cefnogi ac yn dathlu oedolion sy\u2019n dychwelyd i ddysgu yn ddiweddarach mewn bywyd yng Nghymru yn y gobaith o ddyfodol mwy disglair.\u201d<\/p>\n

Mae rhai o\u2019r cyrsiau a\u2019r gweithgareddau sydd ar gael ledled Cymru eleni yn cynnwys:<\/p>\n