{"id":5033,"date":"2017-08-11T22:25:38","date_gmt":"2017-08-11T22:25:38","guid":{"rendered":"https:\/\/www.ntfw.org\/wel\/?p=5033"},"modified":"2017-08-11T22:25:38","modified_gmt":"2017-08-11T22:25:38","slug":"recriwtio-prentisiaid-o-gronfa-ddoniau-ymadawyr-ysgol-cymru","status":"publish","type":"post","link":"https:\/\/www.ntfw.org\/wel\/recriwtio-prentisiaid-o-gronfa-ddoniau-ymadawyr-ysgol-cymru\/","title":{"rendered":"Recriwtio prentisiaid o gronfa ddoniau ymadawyr ysgol Cymru"},"content":{"rendered":"
\"Tata<\/a>

Tata Steel<\/p><\/div>\n

English<\/a> | Cymraeg<\/a><\/p>\n

Mae cyflogwyr ledled Cymru sydd eisiau tyfu eu busnesau yn cael eu hannog i ddefnyddio cronfa gyfoethog o ddoniau trwy gynnig prentisiaethau i filoedd o ymadawyr ysgol yr haf hwn.<\/p>\n

Ar \u00f4l gorffen eu harholiadau TGAU a Safon Uwch, mae pobl ifanc o bob cwr o Gymru\u2019n wynebu penderfyniadau pwysig am eu llwybr gyrfa i\u2019r dyfodol ac un o\u2019r prif opsiynau yw prentisiaeth.<\/p>\n

Ni fydd llawer o bobl ifanc rhwng 16 a 19 oed yn aros mewn addysg amser llawn a byddant yn mynd allan i\u2019r byd mawr i gael gwaith, sydd yn gyfle i fusnesau gael doniau newydd, ffres.<\/p>\n

I gael gwybod sut y gallai eich busnes elwa<\/strong><\/br>
\nCofrestrwch eich diddordeb yma<\/a><\/p>\n

Ystadegyn y mae Llywodraeth Cymru a Ffederasiwn Hyfforddiant Cenedlaethol Cymru (NTfW), sydd yn cynrychioli darparwyr hyfforddiant seiliedig ar waith ledled Cymru, yn awyddus i\u2019w newid yr haf hwn yw nifer y bobl ifanc sydd yn gadael yr ysgol ac yn mynd yn brentisiaid.<\/p>\n

Allan o\u2019r garfan o 31,500 o ymadawyr ysgol yng Nghymru rhwng 16 a 19 oed y llynedd, dim ond 401 wnaeth gais i fod yn brentisiaid. Bellach, mae Llywodraeth Cymru wedi lansio ymgyrch i dderbyn 1,000 o brentisiaid yr haf hwn fel rhan o\u2019i haddewid i gefnogi isafswm o 100,000 o brentisiaid pob oed o ansawdd uchel.<\/p>\n

Mae Cymru\u2019n gartref i ystod o fusnesau mentrus ac arloesol sydd yn cynnig ystod o gyfleoedd prentisiaeth cyffrous a heriol i alluogi pobl ifanc i fynd i mewn i fyd gwaith. Gyda chymaint o gyflogwyr yn chwilio am ymadawyr ysgol deallus, bydd y gystadleuaeth am brentisiaid yn llym, felly cynghorir busnesau i beidio gwastraffu unrhyw amser gyda\u2019u cynlluniau recriwtio. <\/p>\n

Bydd ymadawyr ysgol sy\u2019n cael eu derbyn ar raglenni prentisiaeth yn hyfforddi yn y gweithle ar y cyd \u00e2 chyflogwyr profiadol er mwyn datblygu\u2019r sgiliau sydd eu hangen ar eu cyflogwyr i wneud cyfraniad amlwg i lwyddiant y busnes. Mae\u2019r cyflogwyr yn talu eu cyflog ac mae Llywodraeth Cymru yn rhoi cymorth gyda rhywfaint o\u2019r costau hyfforddi.<\/p>\n

Mae prentisiaethau yn dechrau ar lefel dau \u2013 Prentisiaeth Sylfaen \u2013 ac yn datblygu i lefel tri – Prentisiaeth. Mae lefel pedwar ac uwch yn Brentisiaethau Uwch ac mae lefel bellach, sef prentisiaeth gradd, gan weithio ar y cyd \u00e2 phrifysgolion, yn cael ei datblygu ar gyfer TGCh, gweithgynhyrchu uwch a pheirianneg.<\/p>\n

Mae\u2019r math o brentisiaeth yn cyd-fynd \u00e2 lefel y cymwysterau sy\u2019n ofynnol i wneud swydd. Cyflwynir yr hyfforddiant trwy gyfuniad o weithgareddau yn y swydd ac i ffwrdd o\u2019r gwaith gyda darparwr hyfforddiant cymeradwy yn gysylltiedig \u00e2 swydd a chymhwysedd y prentis, sydd yn cael ei asesu dros gyfnod y rhaglen. <\/p>\n

O 1 Awst, bydd y Rhaglen Cymhelliant Cyflogwr Prentisiaeth yn rhoi cymorth i Fusnesau Bach a Chanolig (BBaCh) i recriwtio prentisiaid 16-19 oed, gan roi\u2019r sgiliau sydd eu hangen ar unigolion a chyflogwyr yn yr hirdymor ac atal prinder sgiliau.<\/p>\n