{"id":7324,"date":"2020-05-19T14:00:05","date_gmt":"2020-05-19T13:00:05","guid":{"rendered":"https:\/\/www.ntfw.org\/wel\/?p=7324"},"modified":"2022-09-13T10:50:03","modified_gmt":"2022-09-13T09:50:03","slug":"cyfrifo-addasu-neu-oedi","status":"publish","type":"post","link":"https:\/\/www.ntfw.org\/wel\/cyfrifo-addasu-neu-oedi\/","title":{"rendered":"Cyfrifo, addasu neu oedi \u2013 trefniadau arfaethedig ar gyfer cymwysterau galwedigaethol a thechnegol"},"content":{"rendered":"

English<\/a> | Cymraeg<\/a><\/p>\n

\"\"<\/a>

Prif Weithredwr, Philip Blaker, Cymwysterau Cymru<\/p><\/div>\n

Nodyn gan Prif Weithredwr, Philip Blaker, Cymwysterau Cymru<\/strong><\/p>\n

Yn ein gwaith fel rheoleiddiwr cymwysterau yng Nghymru, rydym yn monitro cydymffurfiaeth cyrff dyfarnu, yn adolygu cymwysterau presennol, yn goruchwylio’r gwaith o gynllunio cymwysterau newydd, ac yn cefnogi’r system gymwysterau. Drwy wneud y gwaith hwn, rydym yn sicrhau y gall dysgwyr, ymarferwyr a’r cyhoedd yng Nghymru fod yn ffyddiog bod cymwysterau, a’r system gymwysterau, yn diwallu eu hanghenion.<\/p>\n

Yn dilyn cyhoeddiad Gweinidog Addysg Cymru ynghylch cau canolfannau a chanslo cyfres arholiadau haf 2020 er mwyn helpu i frwydro yn erbyn lledaeniad y coronafeirws (COVID-19), rydym wedi bod yn cydweithio ag ystod eang o bartneriaid, ar draws y DU, i ganfod y trefniadau gorau posibl ar gyfer dyfarnu graddau’r haf hwn. Dros amser, rydym wedi gallu rhannu atebion i’r cwestiwn \u2018beth nesaf?\u2019 sy’n cael ei ofyn gan ddysgwyr a rhanddeiliaid ehangach.<\/p>\n

Yr wythnos ddiwethaf, cyhoeddodd Ofqual<\/strong><\/a> ganllawiau i ganolfannau ynghylch dyfarnu cymwysterau galwedigaethol a thechnegol, a chymwysterau cyffredinol eraill, yn haf 2020. <\/p>\n

Mae’r trefniadau’n berthnasol i’r rhan fwyaf o’r cymwysterau galwedigaethol a ddilynir mewn ysgolion, colegau a gyda darparwyr dysgu seiliedig ar waith yng Nghymru. Mae’r trefniadau’n berthnasol i’r rhan fwyaf o’r cymwysterau galwedigaethol a ddilynir mewn ysgolion a cholegau a gyda darparwyr dysgu seiliedig ar waith yng Nghymru. Mae’r cymwysterau hyn ar gael ledled y DU, felly mae’n bwysig ein bod yn sicrhau cysondeb er tegwch i ddysgwyr.<\/p>\n

Bydd cyrff dyfarnu yn defnyddio tystiolaeth amrywiol i sicrhau bod y canlyniadau mor ddibynadwy a chyson \u00e2 phosibl, fel y gall y cyhoedd ymddiried ynddynt ac fel bod darparwyr addysg a chyflogwyr yn rhoi yr un gwerth arnynt ag mewn unrhyw flwyddyn arall.<\/p>\n

Y prif nod yw sicrhau y gall dysgwyr dderbyn graddau yr haf hwn fel y gallant symud ymlaen i’w cam nesaf, gan roi sicrwydd ar yr un pryd bod y graddau’n cael eu cydnabod a bod y dull gweithredu\u2019n deg. <\/p>\n

Bydd cymwysterau\u2019n cael eu dosbarthu i un o dri chategori gwahanol
\n<\/strong>
\nO ystyried cymhlethdod ac amrywiaeth y sefyllfa o ran cymwysterau galwedigaethol, nid yw’n bosibl gweithredu\u2019r un dull ar gyfer pawb. Felly mae cymwysterau’n cael eu dosbarthu fel y gellir defnyddio’r dull gorau gyda\u2019r cysondeb mwyaf posibl.<\/p>\n

Categori 1 \u2013 Cymwysterau a ddefnyddir ar gyfer symud ymlaen i addysg bellach neu addysg uwch
\nCategori 2 \u2013 Cymwysterau sy’n cyflawni dibenion cymysg
\nCategori 3 \u2013 Cymwysterau sy’n dyfarnu cymhwysedd galwedigaethol <\/p>\n

Bydd cyrff dyfarnu yn penderfynu pa rai o’r dulliau canlynol y dylid eu defnyddio:<\/p>\n