{"id":8387,"date":"2022-03-08T02:00:45","date_gmt":"2022-03-08T02:00:45","guid":{"rendered":"https:\/\/www.ntfw.org\/wel\/?p=8387"},"modified":"2022-09-13T10:11:45","modified_gmt":"2022-09-13T09:11:45","slug":"diwrnod-rhyngwladol-y-menywod","status":"publish","type":"post","link":"https:\/\/www.ntfw.org\/wel\/diwrnod-rhyngwladol-y-menywod\/","title":{"rendered":"Diwrnod Rhyngwladol y Menywod yn ysbrydoli sgyrsiau am yrfaoedd lle mae anghydbwysedd rhwng y rhywiau"},"content":{"rendered":"

English<\/a> | Cymraeg<\/a><\/p>\n

\"Female<\/a>

Lindsay James Preece, Level 3 Plumbing<\/p><\/div>\n

Er mwyn cefnogi Diwrnod Rhyngwladol y Menywod (IWD) ar 8 Mawrth, mae sefydliad sy\u2019n cynrychioli darparwyr hyfforddiant ledled Cymru yn bwriadu cynnal tair trafodaeth yn ystod y mis gyda\u2019r nod o sicrhau cydbwysedd rhwng dynion a menywod ac amrywiaeth mewn prentisiaethau.<\/p>\n

Bydd trafodaethau Ffederasiwn Hyfforddiant Cenedlaethol Cymru (NTfW) yn canolbwyntio ar ganfod ffyrdd cynaliadwy o fynd i\u2019r afael \u00e2\u2019r anghydbwysedd rhwng y rhywiau sydd mewn prentisiaethau mewn sectorau fel adeiladu a pheirianneg. <\/p>\n

Mae Llywodraeth Cymru wedi rhoi\u2019r dasg i NTfW o ddarparu rhagor o gyfleoedd i ferched mewn prentisiaethau mewn sectorau lle mae llawer mwy o ddynion ac i ddynion mewn sectorau lle mae llawer mwy o ferched.<\/p>\n

Mae #IWD2022, ar y thema #RhwygoRhagfarn #BreakTheBias, yn achlysur byd-eang sy\u2019n dathlu\u2019r hyn y mae menywod yn ei gyflawni yn gymdeithasol, yn economaidd, yn ddiwylliannol ac yn wleidyddol ac mae\u2019n galw am gydraddoldeb rhwng y rhywiau. <\/p>\n

Mae ymgyrch #RhwygoRhagfarn #BreakTheBias yn gofyn i bobl dynnu sylw at stereoteipio a gwahaniaethu ar sail rhywedd er mwyn creu byd amrywiol, teg a chynhwysol lle mae dynion a menywod yn gyfartal.<\/p>\n

Cynhelir trafodaeth gyntaf NTfW, \u2018Sicrhau Cydbwysedd rhwng y Rhywiau mewn Prentisiaethau\u2019, ar 24 Mawrth. Y pynciau allweddol fydd: darparu rhaglen brentisiaethau gynhwysol ar sail data, cynyddu cyfranogiad a chefnogaeth cyflogwyr, dysgu oddi wrth brentisiaid, a rhwygo rhagfarn gyda chyflogwyr, darparwyr, dylanwadwyr a theulu <\/p>\n

Ymhlith y merched ysbrydoledig fydd yn siarad mae cyn-brentis o\u2019r enw Charlie Hargreaves o Wates Construction, a Catrin Atkins, cydsefydlydd Women in Tech Cymru, a fydd yn rhoi cipolwg gwerthfawr i ni ar eu llwybrau nhw i\u2019r diwydiannau adeiladu a thechnoleg. <\/p>\n

Teitlau\u2019r trafodaethau eraill fydd \u2018Sicrhau bod rhagor o bobl anabl yn cymryd rhan mewn prentisiaethau\u2019 ar 28 Mawrth a \u2018Sicrhau bod rhagor o bobl o gymunedau ethnig lleiafrifol yn cymryd rhan mewn prentisiaethau\u2019 ar 30 Mawrth. <\/p>\n

Trefnir y trafodaethau, sydd ar gyfer gwahoddedigion yn unig, gan Humie Webbe, Arweinydd Strategol Cydraddoldeb ac Amrywiaeth NTfW. Gellir cysylltu \u00e2 hi ar humie.webbe@ntfw.org<\/a>.<\/p>\n

\u201cMae Diwrnod Rhyngwladol y Menywod yn gyfle i gydnabod prentisiaid benywaidd a dathlu eu llwyddiant,\u201d meddai Humie. \u201cMae thema eleni, #RhwygoRhagfarn #BreaktheBias yn tynnu sylw at yr angen i dargedu cefnogaeth fel y gall menywod lwyddo yn y gyrfaoedd o’u dewis, yn enwedig mewn diwydiannau sydd wedi bod yn lle i ddynion yn bennaf, fel adeiladu a pheirianneg. <\/p>\n

\u201cWrth inni ymdrechu i fynd i\u2019r afael \u00e2\u2019r anghydbwysedd rhwng y rhywiau mewn prentisiaethau yn y sectorau adeiladu a pheirianneg, lle mae menywod yn brin, rydym yn awyddus i gydweithio \u00e2 chyflogwyr i dynnu sylw at eu harferion da ac i annog menywod a merched ifanc i ymuno \u00e2\u2019r diwydiant.<\/p>\n

\u201cMae newid canfyddiad, agweddau ac ymddygiad pobl yn fuddsoddiad hirdymor. Mae trafodaethau wedi\u2019u targedu yn ffordd dda o edrych ar yr hyn sy’n angenrheidiol er mwyn i fenywod a dynion fynd i weithio mewn meysydd lle nad ydyn nhw\u2019n cael eu cynrychioli’n ddigonol.\u201d<\/em><\/p><\/blockquote>\n

Mae\u2019r pedwar prif ddeiliad contract sy\u2019n darparu prentisiaethau a rhaglenni dysgu eraill i Lywodraeth Cymru, wedi dod at ei gilydd o dan faner NTfW ar #IWD2022 i dynnu sylw at fenywod llwyddiannus yn eu cwmn\u00efau.<\/p>\n

Mae Zoe Goodall, cyfarwyddwr cyflenwi ACT Training, Caerdydd<\/strong>, wedi dringo o fod yn asesydd dan hyfforddiant yn 2005 i fod yn gyfarwyddwr sy\u2019n gyfrifol am gyflenwi holl raglenni dysgu\u2019r cwmni. <\/p>\n

\"Portrait<\/a><\/p>\n

Mae Zoe, sy’n rhoi pwyslais mawr ar les a hapusrwydd, wedi arwain datblygiad a thwf y ddarpariaeth yn ACT, a enwyd yn Gyflogwr y Flwyddyn y DU: Platinwm (250+) yng Ngwobrau Buddsoddwyr mewn Pobl 2021. <\/p>\n

Wrth edrych yn \u00f4l ar ei gyrfa hyd yma, dywedodd Zoe, \u201cRwy\u2019n eithriadol o falch o gael bod yn rhan o stori lwyddiant ACT a thaith y cwmni hyd yma. Ers i mi ymuno 17 o flynyddoedd yn \u00f4l, rwy wedi gweld ACT yn tyfu ac yn datblygu\u2019n aruthrol o lai na 100 o staff i gyflogi bron 400 o bobl ddawnus tu hwnt erbyn hyn. <\/p>\n

\u201cRwy\u2019n enghraifft o\u2019r ffordd y gall prentisiaethau a dysgu seiliedig ar waith gynnig cyfleoedd gwych am yrfaoedd a bod yn fan cychwyn ar gyfer llwyddiant aruthrol.\u201d<\/p>\n

Mae Amanda Williams, Pennaeth Rheoli Contractau a Phartneriaethau gydag ITEC Skills and Employment, Caerdydd<\/strong>, wedi cael sawl dyrchafiad o swydd weinyddol chwe wythnos yn 1994 i\u2019w swydd bresennol 28 mlynedd yn ddiweddarach<\/p>\n

\"Portrait<\/a><\/p>\n

A hithau yn ei helfen yn swydd rheolwr, enillodd Wobr Hyfforddiant Genedlaethol am reoli\u2019r rhaglen Gateway to Work. Bu’n rheolwr contractau, yn rheolwr busnes ac yn rheoli rhaglenni Llywodraeth Cymru ym meysydd Hyfforddeiaethau a Sgiliau Cyflogadwyedd ar ran y cwmni cyn rheoli cadwyn gyflenwi prentisiaethau ledled de-ddwyrain, gorllewin a chanolbarth Cymru.<\/p>\n

Ar \u00f4l ennill NVQ mewn Arwain T\u00eem a chymhwyster mewn Rheoli ac Arwain i’w helpu i symud ymlaen yn ei gyrfa, dywedodd Amanda: \u201cMae cael ffydd ym mhobl eraill yr un mor bwysig \u00e2 bod \u00e2 ffydd ynoch chi’ch hunan. <\/p>\n

\u201cDangosodd rheolwr ffydd ynof i, ac wedyn ro’n i’n gallu dangos ffydd mewn pobl eraill, gan ysbrydoli a galluogi pobl i gyflawni eu dyheadau. Does dim pen draw ar eich potensial oherwydd, bob dydd, rydych yn dal i dyfu a gwella nid eich bywyd eich hun yn unig ond bywydau’r bobl o’ch cwmpas hefyd.\u201d <\/p>\n

Mae gan Ann Nicholas, cyfarwyddwr cyfrifon cwsmeriaid gydag Educ8 Training, Caerffili<\/strong>, dros 16 mlynedd o brofiad ym maes hyfforddiant ac addysg a hi oedd y cyntaf o\u2019i theulu i fynd i\u2019r brifysgol.<\/p>\n

\"Portrait<\/a><\/p>\n

A hithau’n llysgennad dros ddysgu gydol oes, mae’n credu\u2019n angerddol mewn prentisiaethau, ac addysgu a dysgu o safon uchel. Mae hi a\u2019i phum cyd-gyfarwyddwr wedi sicrhau mai Educ8 oedd y Cwmni Canolig Gorau i Weithio Iddo yn 2021, y Darparwr Addysg a Hyfforddiant Gorau i Weithio Iddo yn 2021 a Chyflogwr y Flwyddyn yr FSB. Mae’r cwmni, sy’n un o’r Fast Growth 50, wedi ennill statws Platinwm Buddsoddwyr mewn Pobl hefyd.<\/p>\n

Ymunodd Ann ag Educ8 fel uwch-reolwr cyfrifon yn 2017 a dychwelodd at y cwmni i’w swydd bresennol yn 2020 ar \u00f4l cyfnod fel pennaeth recriwtio gyda Trafnidiaeth Cymru.<\/p>\n

\u201cRwy’n cydweithio \u00e2\u2019r bwrdd cyfarwyddwyr, gan rannu syniadau, cefnogi ein gilydd wrth wynebu heriau ac mewn llwyddiant, a chysoni ein nodau er mwyn sicrhau ein bod yn helpu ein gilydd i dyfu, gwella a chyrraedd cerrig milltir personol neu broffesiynol,\u201d meddai. <\/p>\n

\u201cRydym wedi adeiladu cwmni wedi’i seilio ar werthoedd ac ethos. Ein staff sydd wrth galon y busnes ac mae gennym enw da iawn am ddarpariaeth bwrpasol, o safon uchel. Felly, mae\u2019r busnes yn ehangu\u2019n gyflym.\u201d<\/p>\n

Mae Catherine Watkin, swyddog cyllid Cwmni Hyfforddiant Cambrian yn y Trallwng<\/strong>, yn aelod allweddol o\u2019r staff, yn cefnogi\u2019r cyfarwyddwr cyllid ac yn bwynt cyswllt ar gyfer ymholiadau Cymraeg yn y cwmni.<\/p>\n

\"Portrait<\/a><\/p>\n

Ers iddi ymuno \u00e2\u2019r cwmni ar raglen Twf Swyddi Cymru 10 mlynedd yn \u00f4l, mae wedi cyflawni pum prentisiaeth, yn fwyaf diweddar Gwasanaeth i Gwsmeriaid a Rheoli, Lefel 3.<\/p>\n

\u201cRwy mor falch o\u2019r hyn rydw i wedi\u2019i gyflawni yn Hyfforddiant Cambrian. Fyddwn i ddim wedi gallu ei wneud heb y dechreuad gefais i drwy Twf Swyddi Cymru,\u201d meddai Cath. \u201cMae’r cwmni wedi fy nghefnogi i barhau i ddysgu trwy nifer o brentisiaethau.<\/p>\n

\u201cMae deng mlynedd wedi hedfan heibio ac rwy\u2019n edrych ymlaen at y 10 mlynedd nesaf. Mae\u2019r cwmni wedi esblygu dros fy nghyfnod i yma ac rwy\u2019n falch o fod yn rhan o gwmni sy\u2019n newid ac yn tyfu\u2019n barhaus.\u201d<\/p>\n

International Women’s Day<\/a><\/p>\n","protected":false},"excerpt":{"rendered":"

English | Cymraeg Er mwyn cefnogi Diwrnod Rhyngwladol y Menywod (IWD) ar 8 Mawrth, mae sefydliad sy\u2019n cynrychioli darparwyr hyfforddiant ledled Cymru yn bwriadu cynnal tair trafodaeth yn ystod y mis gyda\u2019r nod o sicrhau cydbwysedd rhwng dynion a menywod … Darllen rhagor »<\/span><\/a><\/p>\n","protected":false},"author":2,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[11],"tags":[],"class_list":["post-8387","post","type-post","status-publish","format-standard","hentry","category-newyddion"],"_links":{"self":[{"href":"https:\/\/www.ntfw.org\/wel\/wp-json\/wp\/v2\/posts\/8387","targetHints":{"allow":["GET"]}}],"collection":[{"href":"https:\/\/www.ntfw.org\/wel\/wp-json\/wp\/v2\/posts"}],"about":[{"href":"https:\/\/www.ntfw.org\/wel\/wp-json\/wp\/v2\/types\/post"}],"author":[{"embeddable":true,"href":"https:\/\/www.ntfw.org\/wel\/wp-json\/wp\/v2\/users\/2"}],"replies":[{"embeddable":true,"href":"https:\/\/www.ntfw.org\/wel\/wp-json\/wp\/v2\/comments?post=8387"}],"version-history":[{"count":1,"href":"https:\/\/www.ntfw.org\/wel\/wp-json\/wp\/v2\/posts\/8387\/revisions"}],"predecessor-version":[{"id":8774,"href":"https:\/\/www.ntfw.org\/wel\/wp-json\/wp\/v2\/posts\/8387\/revisions\/8774"}],"wp:attachment":[{"href":"https:\/\/www.ntfw.org\/wel\/wp-json\/wp\/v2\/media?parent=8387"}],"wp:term":[{"taxonomy":"category","embeddable":true,"href":"https:\/\/www.ntfw.org\/wel\/wp-json\/wp\/v2\/categories?post=8387"},{"taxonomy":"post_tag","embeddable":true,"href":"https:\/\/www.ntfw.org\/wel\/wp-json\/wp\/v2\/tags?post=8387"}],"curies":[{"name":"wp","href":"https:\/\/api.w.org\/{rel}","templated":true}]}}