Cyngor y Gweithlu Addysg
Diwygio Cod Ymddygiad ac Ymarfer Proffesiynol
Mae Cyngor y Gweithlu Addysg (CGA) wedi diwygio a chyhoeddi ei God Ymddygiad ac Ymarfer Proffesiynol. Mae’r Cod yn nodi’r safon ymddygiad ac ymarfer proffesiynol a ddisgwylir gan yr 82,000 o ymarferwyr addysg CGA sy’n gweithio ar draws Cymru, a’r bwriad yw llywio eu dewisiadau a’u penderfyniadau. Mae’n bwysig eich bod yn rhannu’r Cod wedi ei ddiwygio gyda’ch cyflogeion.
I gefnogi cofrestreion, darparwyr a chyflogwyr ymhellach i ddeall cynnwys y Cod, mae CGA, yn cynnig hyfforddiant a gweithdai am ddim, yn ogystal â phosteri i’w hargraffu a’u harddangos yn eich ardaloedd cyhoeddus ac i staff.
Gwiriwch fod eich cyflogeion wedi cofrestru gyda CGA
Wrth i ni ddechrau’r flwyddyn academaidd newydd, mae’n bwysig bod cyflogwyr a darparwyr yn gwneud yn siŵr bod eu staff wedi cofrestru gyda Chyngor y Gweithlu Addysg (CGA) Ni all ymarferwyr addysg weithio yng Nghymru heb gofrestru gyda CGA. Fel cyflogwr, mae gyda chi gyfrifoldeb cyfreithiol i wneud yn sicr bod eich staff wedi cofrestru. Gallwch wirio drwy ddefnyddio eich mynediad i’r Gofrestr ar-lein.
Digwyddiad CGA i adeiladu perthnasau gyda rhieni / gwarcheidwaid
Ar 8 Tachwedd 2022, bydd Cyngor y Gweithlu Addysg (CGA) yn ymuno gyda Parentkind i gyflwyno Glasbrint ar gyfer Ysgolion Rhieni-Gyfeillgar, offeryn yn seiliedig ar dystiolaeth, sy’n hawdd ei ddefnyddio i hwyluso gwelliannau hirdymor i gyfranogiad rhieni. Mynnwch eich lle am ddim.
Addysgwyr Cymru
Mae Addysgwyr Cymru, helpu yn blatfform newydd a ddatblygwyd gan Gyngor y Gweithlu Addysg (CGA) ac a ariennir gan Lywodraeth Cymru. Mae’n cynnwys nifer o wasanaethau sy’n dod á chyfleoedd gyrfa, hyfforddiant a swyddi yn sector addysg Cymru ynghyd mewn un lleoliad hawdd.
Drwy gofrestru, gall eich sefydliad elwa o’r nifer o wasanaethau ar gael, gan gynnwys postio swyddi a chyfleoedd hyfforddiant am ddim, gan arbed miloedd o bunnoedd y flwyddyn.
Mae mwy o wybodaeth ar wefan Addysgwyr Cymru, neu, gallwch ein gwahodd ni i gyfarfod, er mwyn i ni rannu buddion cofrestru gydag Addysgwyr Cymru i chi a’ch cydweithwyr.
More News Articles
« Educ8 yn Mynd i’r Afael â’r 5 Prif Fyth am Brentisiaethau — Cymwysterau Cymru – Grŵp Cynghori i Ddysgwyr »
