Agor enwebiadau ar gyfer Gwobrau Ysbrydoli! Addysg Oedolion: Arddangos grym dysgu
Gwobrau Ysbrydoli! Addysg Oedolion 2025
Ydych chi’n adnabod oedolyn sy’n ysbrydoli y mae ei stori o dwf personol drwy addysg oedolion yn haeddu cael ei rhannu? Neu brosiect cymunedol sy’n chwalu rhwystrau a chreu llwybrau newydd i lwyddiant?
Mae’r gwobrau blynyddol, a gaiff eu cydlynu gan y Sefydliad Dysgu a Gwaith mewn partneriaeth gyda Llywodraeth Cymru, yn dathlu grym trawsnewidiol dysgu gydol oes ar draws Cymru, gan ddangos pam ei bod yn fwy hanfodol nag erioed i fuddsoddi mewn cyfleoedd sy’n newid bywydau.
Mae Dysgu a Gwaith yn croesawu enwebiadau sy’n rhoi sylw i unigolion a phrosiectau cymunedol eithriadol sy’n enghraifft o angerdd, ymroddiad ac egni i wella eu bywydau eu hunain a bywydau pobl eraill drwy addysg. P’un ai’n cynrychioli taith bersonol neu ymdrech ar y cyd, mae’r gwobrau hyn yn codi ymwybyddiaeth ac yn dathlu’r straeon sy’n diffinio ysbryd dysgu gydol oes yng Nghymru.
Categorïau gwobrau
Mae’r deg categori yn cynrychioli’r amrywiaeth eang o sgiliau a llwyddiannau a gaiff eu dathlu gan y gwobrau:
- Gwobr Sgiliau Gwaith
- Gwobr Oedolyn Ifanc
- Gwobr Newid Bywyd
- Gwobr Sgiliau Hanfodol Bywyd
- Gwobr Dysgu ar gyfer Gwell Iechyd
- Gwobr Heneiddio’n Dda
- Gwobr Siaradwr Newydd
- Gwobr Rhannu Dyfodo
- Gwobr Hywel Francis am Effaith Gymunedol
- Gwobr Llais Dysgwyr
Cael eich ysbrydoli:
Edrychwch ar enillwyr y llynedd i weld yr effaith a gafodd dysgu gydol oes ar ein cymunedau.
Gwybodaeth allweddol:
Caiff Gwobrau Ysbrydoli! eu dathlu fel rhan o’r Wythnos Addysg Oedolion, mewn partneriaeth gyda Llywodraeth Cymru.
Dyddiad cau enwebiadau: Dydd Gwener 17 Ebrill 2026.
Sut i wneud cais: Mae canllawiau ar gategorïau, awgrymiadau ar gyfer ysgrifennu enwebiad llwyddiannus a ffurflenni enwebu ar gael ar wefan y Sefydliad Dysgu a Gwaith.
Cysylltu â ni: Os oes gennych unrhyw gwestiynau am Wobrau Ysbrydoli! anfonwch e-bost at: inspire@learningandwork.org.uk.
More News Articles
« Mae endometriosis yn effeithio un o bob 10 menyw – felly pam nad ydym yn siarad amdano yn fwy? — Mae Dysgwyr Lleol yn Paratoi ar gyfer Gyrfaoedd Carbon Isel gyda Llwyddiant ym Maes Peirianneg »
