Confensiwn Cyflogaeth a Sgiliau Cymru: Symud ymlaen mewn cyfnod o newid
Dewch i ymuno â’r Sefydliad Dysgu a Gwaith (L&W) yng Nghonfensiwn blynyddol Cyflogaeth a Sgiliau Cymru ar 13 Tachwedd 2024 yn Stadiwm Dinas Caerdydd.
Noddir yr achlysur gan City & Guilds a’i gefnogi gan Serco a Chomisiwn Seilwaith Cenedlaethol Cymru. Bydd yn dwyn llunwyr polisi, ymarferwyr ac arweinwyr y sector yng Nghymru ynghyd i helpu i rannu’r syniadau, yr ymchwil a’r datblygiadau diweddaraf ac i ddylanwadu ar bolisi’r dyfodol.
Cewch weld sut mae tueddiadau byd-eang fel y symudiad tuag at economi carbon isel, y cynnydd mewn AI ac awtomeiddio, a gweithlu sy’n heneiddio yn effeithio ar sefyllfa cyflogaeth yng Nghymru. Ymunwch ag L&W i archwilio strategaethau ar gyfer sicrhau bod gweithlu Cymru’n dal yn gystadleuol ac yn wydn yn y cyfnod hwn o drawsnewid.
Bydd y Confensiwn yn canolbwyntio ar bynciau amrywiol, yn cynnwys:
- Deallusrwydd Artiffisial – cyfle neu fygythiad
- Sero Net – beth mae’n ei olygu ar gyfer cyflogaeth a sgiliau
- Datganoli polisi cymorth cyflogaeth i Gymru
- Dyfodol Sgiliau Cymru
Ymhlith y siaradwyr eleni mae Simon Pirotte, Prif Weithredwr, Medr, Shavannah Taj, Ysgrifennydd Cyffredinol TUC Cymru, yr Athro Calvin Jones, Prifysgol Caerdydd, Stephen Evans, Prif Weithredwr, y Sefydliad Dysgu a Gwaith.
Ymunwch ag L&W am gyfres o weithdai llawn gwybodaeth i fynd i’r afael â phynciau allweddol:
- Y bwlch o ran cyfranogi mewn dysgu yng Nghymru
- Strategaeth gyflogaeth Llywodraeth Cymru ar Cymru Gryfach, Decach a Gwyrddach
- Beth mae bargen newydd i bobl sy’n gweithio yn ei olygu i Gymru?
- Gwersi a ddysgwyd o’r Ffindir ar addysg alwedigaethol
Bydd cyfle i wrando ar y prif siaradwyr a’r panelwyr ac i rwydweithio â chynrychiolwyr o’r sectorau cyflogaeth a sgiliau. Cewch wybod am yr ymchwil a’r datblygiadau diweddaraf sy’n siapio maes polisi yng Nghymru a chyfrannu’ch syniadau i lywio ei gyfeiriad yn y dyfodol.
Ffi ar gyfer yr achlysur:
Y sector Cyhoeddus/Preifat – £195 a TAW
Y sector Gwirfoddol/Cymunedol / Cefnogwr L&W – £100 a TAW
Dilynwch y ddolen i gofrestru:
sefydliaddysguagwaith.cymru/confensiwn-cyflogaeth-a-sgiliau-cymru
More News Articles
« Dyfarnu cyllid Sgiliau a Thalent i brosiectau yn y De-orllewin — Canfod y ffordd trwy’r Dirwedd Ynni: Taith ym maes Rheoli Carbon »
