AI ac Awtomeiddio: Chwyldro Cynhyrchiant Dyddiad: Dydd Iau 22 Hydref 2026 Amser: 9:30 14:30 Lleoliad: Swansea.com Stadium
Mae’n bleser gan y Bartneriaeth Dysgu a Sgiliau Rhanbarthol (RLSP) gyhoeddi y bydd y Dirprwy Weinidog dros Sgiliau ac Addysg Drydyddol, Cefin Campbell AS, yn ymuno â’r Digwyddiad AI ac Awtomeiddio: Chwyldro Cynhyrchiant yn Stadiwm Swansea.com ar 22 Hydref.
Bydd y Dirprwy Weinidog yn annerch cyflogwyr ac arweinwyr busnes o bob rhan o Dde Orllewin Cymru, gan dynnu sylw at fuddsoddiad Llywodraeth Cymru mewn sgiliau a’r gefnogaeth sydd ar gael i helpu busnesau i groesawu arloesedd, rhoi hwb i gynhyrchiant a sbarduno twf economaidd rhanbarthol.
Mewn cyfnod pan fo deallusrwydd artiffisial ac awtomeiddio yn trawsnewid diwydiannau, bydd y digwyddiad yn rhoi sylw i enghreifftiau o’r byd go iawn o fusnesau sy’n defnyddio AI yn llwyddiannus i weithio’n ddoethach, gwella effeithlonrwydd a datblygu gweithluoedd sy’n barod i’r dyfodol.
Gwahoddir cyflogwyr, addysgwyr ac arweinwyr diwydiant i ymuno â’r sgwrs, dod i wybod am y sgiliau sydd eu hangen ar gyfer economi’r dyfodol a bwrw golwg ar sut y gall technolegau newydd greu cyfleoedd newydd ar gyfer twf.
Mae’r digwyddiad yn cynnig cyfle unigryw i glywed gan arbenigwyr, busnesau a llunwyr polisi sy’n llunio dyfodol cynhyrchiant yn Ne Orllewin Cymru.
