Gwobrau Ysbrydoli! Addysg Oedolion 2021
Anfonwch eich enwebiadau ar gyfer Gwobrau Ysbrydoli! Addysg Oedolion y Sefydliad Dysgu a Gwaith.
Cafodd y diwrnod cau ei ymestyn i 22 Mawrth 2021.
Ydych chi’n adnabod dysgwr neu deulu sy’n ysbrydoli? Efallai eich bod yn y gweithle ac yn datblygu cyfleoedd i hyfforddi a sicrhau cynnydd. A ydych chi’n cael effaith o fewn cymunedau lleol ac yn agor mynediad i ddysgu a sgiliau? Rydym eisiau clywed gennych.
Mae’r Gwobrau yn codi’r llen ar yr Wythnos Addysg Oedolion, sydd bellach yn ei 30ain mlynedd yng Nghymru ac yn ddigwyddiad pwysig i hyrwyddo a dathlu dysgu gydol oes.
Mae mwy o angen dysgu gydol oes nag erioed wrth i ni ddechrau sicrhau adferiad o’r pandemig. Mae pawb ohonom angen straeon newydd da ac er yr heriau, gofynnwn i chi wneud popeth a fedrwch i feddwl am enwebu a rhannu straeon eich dysgwyr rhyfeddol.
Rydym eisiau dathlu a rhannu eich straeon
Mae Dysgu a Gwaith yn edrych am bobl, prosiectau a sefydliadau y mae eu llwyddiant yn dysgu yn dangos angerdd, ymrwymiad ac egni eithriadol i newid eu straeon ac ysbrydoli eraill yn y categorïau dilynol:
Gwobrau i Unigolion a Theuluoedd
- Mewn i Waith
- Oedolyn Ifanc
- Newid Bywyd a Chynnydd
- Iechyd a Llesiant
- Heneiddio’n Dda
- Dechrau Arni – Dechreuwyr Cymraeg
- Gorffennol Gwahanol: Rhannu Dyfodol
- Dysgu fel Teulu
- Sgiliau Hanfodol ar gyfer Bywyd (NEWYDD)
Gwobrau i Brosiectau a Sefydliadau
- Prosiect Effaith ar y Gymuned
- Sgiliau Gwaith
Sut i gyflwyno eich enwebiad
Os ydych yn cyflwyno enwebiad – darllenwch drwy ein canllawiau a’r ddogfen categorïau i sicrhau eich bod yn ateb y meini prawf yn llawn cyn i chi lenwi eich enwebiad.
Lawrlwythwch y dogfennau islaw:
- Canllawiau a Chategorïau
- Cyngor da ar sut i ysgrifennu enwebiad llwyddiannus
- Ffurflen enwebu Gwobrau Ysbrydoli!
Anfonwch eich enwebiad drwy e-bost:
E-bostiwch eich ffurflen wedi’i llenwi fel dogfen Word at inspire@learningandwork.org.uk
Mae pawb ohonom angen straeon newydd da ac er yr heriau, gofynnwn i chi feddwl o ddifri am wneud enwebiadau a rhannu straeon eich dysgwyr rhyfeddol.
Lawrlwythwch gopi o daflen Gwobrau Ysbrydoli! a rhannwch yr enwebiadau gyda’ch rhwydweithiau eraill i’w hannog i gydnabod a rhoi sylw i straeon ysbrydoledig pobl prosiectau a sefydliadau yng Nghymru.
Hyrwyddo’r gwobrau:
Helpwch ni i godi ymwybyddiaeth o wobrau Ysbrydoli! ar y cyfryngau cymdeithasol. Defnyddiwch hashtag y gwobrau: #InspireCymru21 a sôn amdanom gan ddefnyddio @LearnWorkCymru ar Twitter. Rydym hefyd ar y llwyfannau cymdeithasol dilynol: Facebook ac Instagram.
Os oes gennych unrhyw ymholiadau am broses enwebiadau Ysbrydoli! cysylltwch â: inspire@learningandwork.org.uk
Dyddiadau ymgyrch ar gyfer eich dyddiadur:
Cynhelir yr Wythnos Addysg Oedolion rhwng 20 – 26 Medi gyda hyrwyddo yn ystod mis Medi.
Os hoffech wybod mwy am yr ymgyrch,
edrychwch ar uchafbwyntiau ymgyrch y llynedd.
Mae mwy o angen dysgu gydol oes nag erioed o’r blaen wrth i ni gael adferiad o’r pandemig a byddwn angen i fwy o bobl ledled Cymru gael eu hysbrydoli i gymryd rhan yn eu cymunedau, datblygu sgiliau ar gyfer ffyrdd newydd o weithio a diogelu eu hiechyd a’u llesiant.
Os hoffech fwy o wybodaeth am yr Wythnos Addysg Oedolion, anfonwch e-bost at alwevents@learningandwork.org.uk.
More News Articles
« Cyllid i staff Prentisiaethau, Hyfforddeiaethau a DSW i helpu ag Allgáu Digidol ac Iechyd Meddwl — Prentisiaid cyfrwng Cymraeg a Dwyieithog yn meddiannu cyfrif Instagram »