Simon yn perffeithio’i sgiliau gwaith coed i gystadlu yn erbyn goreuon y byd
Simon McCall yn ceisio am le yn nhîm y DU ar gyfer WorldSkills ym Mrasil.
Mae’r saer ifanc o Orllewin Cymru, Simon McCall, yn gobeithio y bydd ei ymroddiad a’i ymrwymiad i gyflawni perffeithrwydd yn ennill lle iddo yn nhîm y DU er mwyn cystadlu yn WorldSkills International ym Mrasil ym mis Awst.
Ymroddiad ac ymrwymiad i gyflawni berffeithrwydd saer ifanc Gorllewin Cymru Simon McCall wedi enillodd iddo medal rhyngwladol a lle yn y WorldSkills Sgwad y DU.
Mae ei daith addysgol wedi ennill lle iddo yn rownd derfynol Gwobrau VQ mawreddog eleni. Mae’n un o chwech yn y rownd derfynol sy’n cystadlu am y teitl Dysgwr VQ y Flwyddyn yn y seremoni wobrwyo ar 9 Mehefin, y noson cyn Diwrnod VQ, yng Ngwesty Dewi Sant, Caerdydd.
Trefnir y Gwobrau VQ gan Adran Addysg a Sgiliau Llywodraeth Cymru, Ffederasiwn Hyfforddiant Cenedlaethol Cymru a CholegauCymru a’u nod yw helpu rhoi llwyfan i unigolion a sefydliadau sydd wedi codi safon y gwasanaethau a gynigiant o ganlyniad i gymwysterau galwedigaethol.
Mae’r gwobrau, a ariennir yn rhannol gan y Gronfa Gymdeithasol Ewrop, bellach yn eu hwythfed flwyddyn ac yn cyd-fynd â Diwrnod Cymwysterau Galwedigaethol – dathliad DU-eang o gymwysterau galwedigaethol ar gyfer myfyrwyr, athrawon, darparwyr hyfforddiant a chyflogwyr – a gynhelir ar 10 Mehefin.
Enillodd Simon, 21, sy’n byw yng Nghapel Dewi ger Caerfyrddin, ei le yn Sgwad y DU wedi dod drwy nifer o gystadlaethau rhanbarthol a chenedlaethol, wedi i’r nifer gychwynnol gael ei chrynhoi o 700 o bobl.
Paul Evans, cydlynydd ledled Cymru’r Prosiect Ysbrydoli Rhagoriaeth Sgiliau yng Nghymru yng Ngholeg Sir Gâr Llanelli a’i henwebodd am y wobr. Disgrifia Simon fel “gŵr ifanc cwbl ymroddedig” y mae ei etheg gwaith wedi creu argraff ar diwtoriaid ac sydd bellach yn rhannu ei sgiliau a’i brofiad gyda dysgwyr yn y coleg.
Ar ôl gadael yr ysgol, cwblhaodd Simon brentisiaeth gwaith coed CITB gan astudio yng Ngholeg Sir Gâr ac fe’i cyflogwyd gan Jones and Johnson, Caerfyrddin, cafodd Diploma Lefel 2 City & Guilds mewn Gwaith Coed a Sgiliau Adeiladu a CITB NVQ Lefel 3 mewn Gwaith Coed yng Ngholeg Sir Gâr.
Fe’i hanogwyd i berffeithio’i sgiliau ymhellach trwy gystadlu mewn cystadlaethau rhanbarthol, cenedlaethol a rhyngwladol. Yn 2013, enillodd fedal arian yng Nghystadleuaeth Sgiliau Cymru a rownd ranbarthol WorldSkills UK a chafodd wahodd i rownd derfynol y Sioe Sgiliau lle cafodd fedaliwn rhagoriaeth.
Llynedd, enillodd fedal aur yn rownd ranbarthol WorldSkills UK/Rownd Derfynol Genedlaethol Cymru a chafodd wahoddiad i ymuno â sgwad y DU ar gyfer WorldSkills yn Sao Paulo 2015 ac enillodd y fedal arian yn Euroskills yn Lille, Ffrainc, gan golli’r fedal aur o un y cant.
Aeth yn hunangyflogedig fis Hydref diwethaf er mwyn ymroi mwy o amser i hyfforddi, sy’n defnyddio rhyw draean o’i wythnos ar hyn o bryd. “Mae’n golygu cryn ymrwymiad ond nid llawer sy’n gallu dweud eu bod nhw yn Sgwad y DU ac rwy’n gobeithio y gallaf gael fy nghynnwys yn y tîm ar gyfer Brasil,” meddai.
Y dysgwyr eraill sydd yn rownd derfynol Dysgwr VQ y Flwyddyn yw: Casey Coleman, 28, cyfarwyddwr artistig salon Ocean Hairdressing, Caerdydd; James Pepper, 39, cyfarwyddwr gwasanaethau technegol ar Vista Retail Support Ltd, Pentwyn, Caerdydd; cyn-ddysgwyr Coleg Penybont Michael Whippey, 23, prif hyfforddwr yng Nghanolfan Farchogaeth Fferm Shardeloes, Amersham; Serena Torrance, cyn ddysgwyr Ngholeg Penybont, 23, o Faesteg sy’n cymryd gradd troseddeg ym Mhrifysgol Caerdydd, a Paul Wiggins, 35, o Gaerdydd, brocer yswiriant siartredig yn Insurance Services BPW, Casnewydd.
Mae Gwobr Dysgwr VQ y Flwyddyn yn cydnabod dysgwyr sy’n dangos yn glir dilyniant a rhagoriaeth mewn astudiaethau galwedigaethol ac wedi llwyddo’n sylweddol yn eu maes.
Gan longyfarch Simon a’r pump arall sydd yn rownd derfynol Gwobrau VQ, dywedodd y Dirprwy Weinidog dros Sgiliau a Thechnoleg, Julie James:
“Mae Gwobrau VQ yn fwy na dim ond dyfarniad; mae’n symbol o ymroddiad tuag at eich dewis broffesiwn,” meddai. “Mae rhaglenni datblygiad proffesiynol a phersonol yn cael eu defnyddio ar gyfer staff i’w galluogi i ddilyn llwybr o ddysgu i gwrdd ac anghenion unigolion, cwmnïoedd, a chwsmeriaid.
“Mae Gwobrau VQ yn ein helpu i ddathlu cyflogwyr Cymru a’r dysgwyr sydd eisoes yn mynd filltir ychwanegol hynny pan ddaw i ddatblygu sgiliau a chymwysterau galwedigaethol.
“Er mwyn i economi Cymru barhau i dyfu, yna mae’n rhaid i ni sicrhau bod cyflogwyr, unigolion a Llywodraeth Cymru yn gweithio gyda’i gilydd i fuddsoddi yn y sgiliau cywir ar gyfer llwyddiant er mwyn arfogi Cymru gyda gweithlu o’r radd flaenaf.”
More News Articles
« Blwyddyn gofiadwy i Matthew’r cigydd o Gymru — James a’i gwmni’n elwa ar gymwysterau galwedigaethol »
