Sêr ym myd dysgu seiliedig ar waith ar restrau byrion Gwobrau Prentisiaethau Cymru
Mae cyflogwyr disglair, dysgwyr ysbrydoledig ac ymarferwyr ymroddedig dysgu seiliedig ar waith ledled Cymru wedi cyrraedd rhestrau byrion gornest fawreddog Gwobrau Prentisiaethau Cymru a gynhelir ar 17 Mehefin.
Yn y dathliad blynyddol hwn o lwyddiant eithriadol ym maes hyfforddiant a phrentisiaethau, bydd 35 o ymgeiswyr yn cystadlu am wobrau mewn 12 categori mewn seremoni ddigidol.
Y seremoni wobrwyo yw uchafbwynt blwyddyn byd dysgu seiliedig ar waith. Mae’n rhoi sylw i fusnesau ac unigolion sydd wedi rhagori yn Rhaglenni Prentisiaethau a Hyfforddeiaethau Llywodraeth Cymru ac wedi mynd yr ail filltir i lwyddo yn ystod y cyfnod anodd hwn.
Trefnir Gwobrau Prentisiaethau Cymru ar y cyd gan Lywodraeth Cymru a Ffederasiwn Hyfforddiant Cenedlaethol Cymru (NTfW). Openreach, busnes rhwydwaith digidol y Deyrnas Unedig a chwmni sy’n frwd o blaid prentisiaethau, yw’r prif noddwr eleni eto.
Caiff y Rhaglen Brentisiaethau yng Nghymru ei hariannu gan Lywodraeth Cymru gyda chymorth Cronfa Gymdeithasol Ewrop (ESF). Mae 101,590 o bobl ledled Cymru wedi elwa ar raglenni prentisiaethau Llywodraeth Cymru ers mis Mai 2016.
Mae Thomas Skip and Plant Hire ar y rhestr fer am wobr Cyflogwr Bach y Flwyddyn. Dyma’r cyfarwyddwyr, Iestyn a Natasha Thomas, gyda Louise Jones a Malcolm Williams, prentisiaid.
Mae Cambria Maintenance Services ar y rhest fer am wobr Cyflogwr Canolig y Flwyddyn. Dyma’r cyfarwyddwr, Peter Jackson gyda phrentisiaid, Alex Carter, Jake Kivell a Jack Glynn yn swyddfa ranbarthol y cwmni yn Ewlo.
Y Cwnstabl Angela Williams, swyddog datblygiad proffesiynol gyda Gwasanaethau Dysgu a Datblygu Heddlu Dyfed-Powys sydd yn y rownd derfynol ar gyfer gwobr Cyflogwr Mawr y Flwyddyn.
Caiff busnesau llwyddiannus eu cydnabod â gwobrau mewn pedwar categori. Yn y rownd derfynol mae: Cyflogwr Bach y Flwyddyn (1 i 49 o weithwyr): Compact Orbital Gears, Rhaeadr Gwy; Wales England Care Limited, Casnewydd a Thomas Skip and Plant Hire, Caernarfon. Cyflogwr Canolig y Flwyddyn (50 i 249 o weithwyr): Andrew Scott Limited, Port Talbot; Convey Law, Casnewydd a Cambria Maintenance Services Limited, Ewlo a Chaerdydd. Cyflogwr Mawr y Flwyddyn (250 i 4,999 o weithwyr): Heddlu Dyfed-Powys, Caerfyrddin; Anelu’n Uchel Blaenau Gwent a Merthyr Tudful a Dow Silicones UK Limited, y Barri. Macro-gyflogwr y Flwyddyn (5,000 a mwy o weithwyr): Cyngor Bwrdeistref Sirol Rhondda Cynon Taf, Cwmclydach a Bwrdd Iechyd Prifysgol Bae Abertawe, Baglan.
Stephanie Fry o Wales England Care, Casnewydd sydd yn y rownd derfynol am wobr Tiwtor y Flwyddyn Dysgu Seiliedig ar Waith.
Mae ymarferwyr dysgu seiliedig ar waith yn cystadlu am ddwy wobr. Yn y rownd derfynol mae: Asesydd y Flwyddyn Dysgu Seiliedig ar Waith: Matt Redd, o Gaerdydd sy’n gweithio i Sgil Cymru; Rebecca Strange o’r Ddraenen, Caerdydd sy’n gweithio i Grŵp Educ8 a Lydia Harris o Ben-y-bont ar Ogwr sy’n gweithio i JGR Training. Tiwtor y Flwyddyn Dysgu Seiliedig ar Waith: Stephanie Fry o Wales England Care, Casnewydd; Hannah Kane-Roberts o Sblot, Caerdydd sy’n gweithio i Itec a Karen Richards o’r Coed-duon sy’n gweithio i ACT, Caerdydd.
Stevie Williams o Goetre, Port Talbot sydd yn y rownd derfynol am wobr Prentis Sylfaen y Flwyddyn.
Rhyanne Rowlands o Aberdâr ar restr fer gwobr Prentis Uwch y Flwyddyn.
Mae pedwar categori yn y gwobrau i brentisiaid. Yn y rownd derfynol mae: Prentis Sylfaen y Flwyddyn: Bethany Mason, 21, Llantrisant; Stevie Williams, 36, Goetre, Port Talbot a Joel Mallison, 30, o’r Fenni. Prentis y Flwyddyn: William Davies, 20, Aberdâr; Owain Carbis, 19, Y Ddraenen, Caerdydd ac Owen Lloyd, 23, Coed y Cwm, Pontypridd. Prentis Uwch y Flwyddyn: Natalie Morgan, 33, Penarth; Rhyanne Rowlands, 38, Aberdâr; Ciara Lynch, 22, Treforys, Abertawe.
Cyflwynwyd categori “Doniau’r Dyfodol” yn 2019, gan ofyn i gyflogwyr enwebu prentisiaid presennol sy’n gwneud argraff arbennig. Yn y rownd derfynol mae: Sophie Williams, 21, o Hirwaun, sy’n gweithio i Adran Faethu RhCT; Connor Paskell, 21, o Lantrisant, sy’n gweithio i British Airways Avionic Engineering, Llantrisant a Ryan Harris, 21, o’r Ddraenen-wen, Pontypridd sy’n gweithio i Renishaw plc, Meisgyn.
Ross Vincent o Ddoc Penfro sydd yn y rownd derfynol am wobr Dysgwr y Flwyddyn – Hyfforddeiaethau (Ymgysylltu).
Mae dwy wobr i ddysgwyr yn y categori cyflogadwyedd. Yn y rownd derfynol: Dysgwr y Flwyddyn – Hyfforddeiaethau (Ymgysylltu): Jessica Apps, 19, o Forgeside, Blaenafon; Ross Vincent, 18, o Ddoc Penfro and Lewis O’Neill, 17, Garden City, Glannau Dyfrdwy. Dysgwr y Flwyddyn – Hyfforddeiaethau (Lefel 1): Thibaud Gailliard, 21, o Lynebwy; Jamie Hopkins, 20, o Beachley, Cas-gwent a Chloe Harvey, 19, o Gil-maen, ger Penfro.
More News Articles
« Cyfle i gwrdd â’r cyflogwyr sydd ar restr fer Gwobrau Prentisiaethau Cymru — Sêr ym myd dysgu seiliedig ar waith yn disgleirio mewn seremoni wobrwyo rithwir »
