Darparwyr hyfforddiant yn galw ar Brif Weinidog y DU i wneud iawn am yr arian a gollir o’r Undeb Ewropeaidd
Sarah John, Cadeirydd NTfW
Mae’r corff sy’n cynrychioli darparwyr dysgu seiliedig ar waith yng Nghymru yn galw ar Brif Weinidog y Deyrnas Unedig, David Cameron, i gadarnhau y bydd ei Lywodraeth yn gwneud iawn am unrhyw gyllid Ewropeaidd a fuddsoddir yng Nghymru ar hyn o bryd ond a gollir yn dilyn y bleidlais Brexit.
Mae Mae Ffederasiwn Hyfforddiant Cenedlaethol Cymru (NTfW), sydd â dros 100 o aelodau a chysylltiadau â 35,000 o gyflogwyr ledled Cymru, yn galw ar Lywodraeth y Deyrnas Unedig a gwleidyddion San Steffan i sicrhau y cedwir yr addewidion a wnaed cyn y refferendwm na fydd gostyngiad yn yr arian a gaiff ei wario yng Nghymru.
Mae Mae’r NTfW yn cefnogi galwad frys Prif Weinidog Cymru, Carwyn Jones, am eglurder gan Brif Weinidog y Deyrnas Unedig ac mae wedi ysgrifennu at David Cameron i geisio cadarnhad.
Rhwng 2014 a 2020, roedd Llywodraeth Cymru wedi bwriadu buddsoddi £245 miliwn o gyllid o’r Undeb Ewropeaidd i helpu pobl i fynd i weithio ac i wella sgiliau trwy raglenni fel prentisiaethau, REACT, Pontydd i Waith, Sgiliau Gwaith i Oedolion ac Upskilling@Work.
Yn ystod yr un cyfnod, roedd bwriad i fuddsoddi £95m o gyllid o’r Undeb Ewropeaidd i gefnogi pobl ifanc trwy raglenni fel Twf Swyddi Cymru a Hyfforddeiaethau.
CCyfarfu’r cadeirydd dros dro, Sarah John, â’r Gweinidog Sgiliau a Gwyddoniaeth, Julie James, ddydd Mercher, i gael trafodaethau pwysig gyda’r nod o leddfu pryderon cyflogwyr am gyllido rhaglenni dysgu seiliedig ar waith yn y dyfodol. Mae’r sector wedi addo cydweithio’n agos â Llywodraeth Cymru yn y cyfnod pontio wrth i’r Deyrnas Unedig baratoi i adael yr Undeb Ewropeaidd.
“Rydym “Rydym yn eithriadol o falch o’r rhaglen brentisiaethau lwyddiannus sydd gennym yng Nghymru, sy’n gwneud yn well na gweddill y Deyrnas Unedig,” meddai Mrs John. “Yn y cyfnod hwn o ansicrwydd yn dilyn canlyniad y refferendwm, rydym yn barod i chwarae ein rhan yn dal ati i uwchsgilio gweithlu Cymru ac i sicrhau bod prentisiaethau’n dal i ddiwallu anghenion busnes ac anghenion sgiliau pob math o wahanol gyflogwyr.
“Rydym yn rhannu siom Llywodraeth Cymru â chanlyniad y refferendwm a deallwn y bydd ymadawiad y Deyrnas Unedig o’r Undeb Ewropeaidd yn cael effaith sylweddol ar y cyllid a fydd ar gael i gyflenwi ei pholisi sgiliau, a gâi ei gefnogi gan arian o Ewrop.
“Mae canlyniad y refferendwm yn dipyn o her i’r cyllid a ddaw i ddysgu seiliedig ar waith ac mae’r NTfW yn addo cydweithio â Llywodraeth Cymru mewn ffordd adeiladol yn y misoedd a’r blynyddoedd sydd o’n blaen.”
Mae’r NTfW yn canolbwyntio ar sicrhau bod rhaglen brentisiaethau ragorol Llywodraeth Cymru yn dal i lwyddo. Mae cyfradd llwyddiant prentisiaid yng Nghymru yn 84 y cant o’i gymharu â 68.9 y cant yn Lloegr.
Datgelodd adroddiad a gomisiynwyd gan yr NTfW, ‘Gwerth Prentisiaethau i Gymru’, y llynedd fod prentisiaethau yng Nghymru yn cynhyrchu dros £1 biliwn y flwyddyn i economi’r wlad a bod buddsoddiad Llywodraeth Cymru ynddynt yn talu ar ei ganfed. Mae dros 51,000 o brentisiaid yng Nghymru.
“Rydym yn rhannu uchelgais Llywodraeth Cymru i adeiladu ar lwyddiant polisïau blaenorol ym meysydd dysgu seiliedig ar waith a phrentisiaethau,” meddai Mrs John. “Deallwn fod yr addewid a wnaeth Llywodraeth Cymru, gyda chefnogaeth drawsbleidiol, i ddarparu o leiaf 100,000 o brentisiaethau yn ystod tymor y Cynulliad hwn, yn dal yn un o’i blaenoriaethau allweddol.”
More News Articles
« Cylchlythyr NTfW – Gorffennaf 2016 — Cyhoeddi pwy sydd yn rownd derfynol Gwobrau Prentisiaethau Cymru 2016 »
