Ysbrydoli Rhagoriaeth Sgiliau yng Nghymru i Lansio Ŵyl Sgiliau ar gyfer Gweithwyr Proffesiynol
Mae’r GŵylSgiliau Datblygu Rhagoriaeth yn gyfres o ddigwyddiadau DPP cyffrous sy’n anelu at godi’r sgiliau, y safonau a’r wybodaeth ar draws addysg a diwydiant yng Nghymru.
Bydd y digwyddiad wythnos o hyd sy’n cael ei lansio ym mis Hydref yn cael ei gyflwyno gan arbenigwyr o fyd diwydiant ac addysg. Bydd hyfforddiant ymarferol yn cael ei ddarparu ar draws amrywiaeth o bynciau galwedigaethol i weithwyr proffesiynol ledled Cymru.
Bydd y gweithdy Celfyddydau Coginio yn cael ei arwain gan y cogydd enwog Hywel Griffith, perchennog a chyfarwyddwr bwyty seren Michelin Beach House yn Oxwich a chystadleuydd blaenorol ar Great British Menu. Bydd y cwrs Technoleg Modurol yn cael ei arwain gan un o gyfranogwyr WorldSkills São Paulo 2015 Elijah Sumner, sydd ers cystadlu yn rhedeg ei fusnes ei hun, Sumner Automotive.
Gyda ffocws ar ragoriaeth a chodi sgiliau, bydd y gweithdai yn canolbwyntio ar alinio safonau â gofynion rhanbarthol, cenedlaethol a rhyngwladol.
Mae gweithdai wedi’u cynllunio i ymestyn a herio tiwtoriaid, cyflogwyr ac aseswyr, gan eu galluogi i fynd â’r hyn a ddysgwyd yn ôl a chyflwyno rhagoriaeth i genhedlaeth nesaf y gweithlu galwedigaethol.
Bydd cyfuniad o hyfforddiant wyneb yn wyneb ochr yn ochr ag elfennau o ddarpariaeth o bell, gyda ffocws allweddol ar adnoddau sydd ar gael i gefnogi’r ddarpariaeth yn yr ystafell ddosbarth.
Trwy gymryd rhan yn y gweithdai hyn, gobeithio y bydd mwy o unigolion medrus yn cymryd rhan mewn cystadlaethau; mwy o wybodaeth a dealltwriaeth gan weithwyr proffesiynol yn y sector a gweithlu cryfach a mwy effeithlon yn y dyfodol.
Dywedodd Huw Morgan, Darlithydd Arlwyo yng Ngholeg Ceredigion:
“Mae gweithdai Ysbrydoli Sgiliau yn fantais fawr i ni fel addysgwyr i ddod â sgiliau ac arferion yn ôl i’r coleg a’u defnyddio gyda’r holl fyfyrwyr o fewn ein cwricwlwm.”
I ddarganfod a chofrestru ar gyfer unrhyw un o’n gweithdai GŵylSgiliau ewch i: https://inspiringskills.gov.wales/events.
I siarad â ni am ein cyfleoedd DPP a’n dull o wella addysgu a dysgu:
Ffôn: 01554 478199 / 07385 419 219
E-bost: info@inspiringskills.wales
Wefan: Ysbrydoli Rhagoriaeth Sgiliau yng Nghymru
More News Articles
« Mae’n bryd gwneud gweithredu hinsawdd yn swyddogol: Cyflwyno cymwysterau gwyrdd ar gyfer eich busnes — Darparwr Hyfforddiant blaenllaw yn lansio strategaeth cynaliadwyedd mewn Wythnos Dim Gwastraff »
