Cylchlythyr NTfW – Tachwedd 2015
Cynnwys y Cylchlythyr
Cyhoeddi enillwyr Gwobrau Prentisiaethau Cymru!
Darparwyr hyfforddiant yn clywed am gynlluniau Llywodraeth Cymru ar gyfer dysgu seiliedig ar waith
Gwahodd Saith Deg Wyth o Bobl o Gymru i Rownd Derfynol Cystadleuaeth Sgiliau
Llawlyfr Arferion Da Dwyieithog
ADCDF – Dinasyddiaeth Fyd-eang
Newyddion o’r Rhanbarthau
Cwrs Ymwybyddiaeth Filwrol yn Boblogaidd!
Cynllun Prentisiaethau yn Meithrin Doniau Peirianyddol mewn Coleg
Enillwyr o Gymru yng Ngwobrau’r Diwydiant Adeiladu
Sarah yw prentis cyntaf Cymru ym maes trin a gwerthu pysgod
Busnesau o Gymru’n arwain y ffordd at Brentisiaeth Uwch gyntaf y DU mewn Bancio
Dyddiadau i’w cofio
Gwirio dyddiadau’r digwyddiadau diweddaraf
Cyhoeddi enillwyr Gwobrau Prentisiaethau Cymru!
Enillwyr a Rownd Derfynol 2015 – Gwobrau Prentisiaethau Cymru 2015
Cafodd darparwr hyfforddiant o Gaerdydd a chanolfan gwastraff ac ailgylchu o’r gogledd lwyddiant dwbl yn noson wobrwyo fawreddog Gwobrau Prentisiaethau Cymru 2015.
Roedd y seremoni wobrwyo fawreddog, a gynhaliwyd yn y Celtic Manor, Casnewydd, yn ffenest siop ar gyfer llwyddiant dysgwyr, cyflogwyr a darparwyr dysgu i ddatblygu sgiliau. Daeth 470 o wahoddedigion i’r seremoni, yn cynnwys 37 o bobl oedd wedi cyrraedd y rownd derfynol mewn dwsin o ddosbarthiadau. Darllen mwy …
Darparwyr hyfforddiant yn clywed am gynlluniau Llywodraeth Cymru ar gyfer dysgu seiliedig ar waith
Cyflwynwyr Cynhadledd NTfW – c-d Peter Rees, Ewart Keep, Julie James AM, John Graystone, Helen Hoffmann a Toni Pearce.
Dywedodd y Dirprwy Weinidog Sgiliau a Thechnoleg, Julie James, wrth aelodau Ffederasiwn Hyfforddiant Cenedlaethol Cymru (NTfW) yng Ngwesty Hamdden y Celtic Manor, Casnewydd, ei bod yn rhaid i bawb sy’n ymwneud â dysgu seiliedig ar waith weithredu mewn ffordd gyfrifol ac ymroddgar er mwyn gwireddu’r cynlluniau.
Cyflwynodd ei hanerchiad cynhwysfawr mewn cyfnod pryd y mae Llywodraeth y Deyrnas Unedig yn bwriadu cyflwyno ardoll prentisiaethau ar gyflogwyr mawr. Darllen mwy …
Gwahodd Saith Deg Wyth o Bobl o Gymru i Rownd Derfynol Cystadleuaeth Sgiliau
Cystadleuwyr yn cymryd rhan mewn digwyddiad Annog a Mentora
Mae saith deg wyth o bobl o Gymru wedi’u gwahodd i The Skills Show i gystadlu yn rownd derfynol cystadleuaeth eu sector nhw. Mae’r rhan fwyaf wedi ennill eu lle trwy gystadlaethau sgiliau lleol a rhanbarthol a byddant yn cystadlu yn rowndiau terfynol WorldSkills UK.
The Skills Show, sy’n cymryd cymaint o le â saith cae pêl-droed, yw digwyddiad mwyaf Prydain ym maes sgiliau a gyrfaoedd ac mae’n helpu i lunio dyfodol cenhedlaeth newydd. Mae’n rhoi profiadau ymarferol sy’n ysbrydoli pobl ifanc i ystyried addysg bellach, sgiliau a phrentisiaethau. Yn yr un ffordd ag yr ydym yn mawrygu ein hathletwyr, rydym yn dathlu ein sgiliau ac yn ysbrydoli pobl ifanc i wneud eu marc mewn diwydiannau sy’n amrywio o beirianneg i ddylunio gwefannau.
Mae’n rhaid wrth sgiliau lefel uchel er mwyn i economi Cymru lwyddo ac maent yn rhan allweddol o strategaeth Llywodraeth Cymru i helpu busnesau i dyfu, datblygu a chystadlu mewn modd proffidiol. Mae The Skills Show yn gyfle i Gymru ddangos ein cefnogaeth i agenda sgiliau’r Deyrnas Unedig ac i gael ein gweld wrth galon addysg bellach, sgiliau a phrentisiaethau yn y sioe bwysig hon.
Cynhelir The Skills Show ar 19 – 21 Tachwedd yn yr NEC yn Birmingham. Dilynwch y ddolen i gael gwybod mwy ac i gadw lle am ddim – The Skills Show
Canllaw Arferion Da Dwyieithog
Lansiwyd ‘Arferion Da wrth Ddarparu Cymwysterau Galwedigaethol yn Ddwyieithog a thrwy Gyfrwng y Gymraeg’, Llawlyfr ar gyfer Darparwyr Dysgu Seiliedig ar Waith, yng Nghynhadledd Flynyddol NTfW yn y Celtic Manor ar 29 Hydref 2015. Mae’r ddogfen yn ganllaw defnyddiol ar gyfer darparwyr DSW yng Nghymru ar sut i wneud mwy yn ddwyieithog. Mae’r ddogfen yn cyflwyno arferion da o bob rhan o Gymru o dan wahanol benawdau: Cynnwys Dysgwyr; Ymgysylltu â’r Staff; Ymgysylltu â Chyflogwyr; Arferion Da ar gyfer Sefydliadau; ac Arferion Da ar Lefel Consortiwm. Mae’r llawlyfr yn cynnwys astudiaethau achos ac adnoddau defnyddiol hefyd. Arfer Da Ar Lein
ADCDF – Dinasyddiaeth Fyd-eang
Mae’r digwyddiadau isod yn ddathliadau ac yn ddiwrnodau ymwybyddiaeth; mae pob un o’r digwyddiadau yn cynnwys manylion gwefannau a defnyddiau cymorth i’ch helpu i gynllunio gweithgareddau i ddysgwyr.
16-20 Tachwedd 2015 Wythnos Gwrthfwlio
Cynhelir Wythnos Gwrthfwlio 2015 rhwng 16 a 20 Tachwedd. Y thema yw “codwch dwrw am fwlio” a’r trefnwyr yw’r Anti-Bullying Alliance. Gallwch ddilyn y digwyddiadau ar y cyfryngau cymdeothasol o dan #antibullyingweek.
29 Tachwedd 2015 Dechrau’r Adfent
Sul cyntaf yr Adfent yw’r Sul agosaf at Dydd Gŵyl Andreas. Dyma gychwyn y flwyddyn litwrgaidd neu’r flwyddyn eglwysig. I lawer o bobl Prydain, dyma ddechrau tymor y Nadolig.
Cwrs Ymwybyddiaeth Filwrol yn Boblogaidd!
Dysgwyr yng Ngwersyll Cinmel, Bodelwyddan, gogledd Cymru.
Mae pobl ifanc sy’n ystyried ymuno â’r Lluoedd Arfog wedi ymuno â chwrs newydd Ymwybyddiaeth Filwrol yng Ngwersyll Cinmel, Bodelwyddan, gogledd Cymru.
Dyma un elfen o’r ddarpariaeth Hyfforddeiaeth Ymgysylltu a gynigir gan North Wales Training lle mae pobl ifanc yn cael cyfle i ganfod ai dyma’r yrfa orau iddyn nhw. Maent yn cael iwnifform am ddim ac yn gorfod gofalu amdani. Maent hefyd yn cymryd rhan mewn gweithgareddau i’w helpu i oresgyn unrhyw rwystrau sy’n eu cadw rhag cael dilyn gyrfa o’u dewis.
Mae’r rhwystrau hyn yn cynnwys ffitrwydd corfforol, hyder a sgiliau gwaith tîm. Cynhelir gweithgareddau ymarferol sy’n talu sylw i’w hanghenion unigol i’w helpu i oresgyn y rhwystrau.
Ar ddiwrnod arferol, cynhelir parêd gydag archwiliad i sicrhau eu bod wedi glanhau a smwddio eu hiwnifform ac wedyn efallai y bydd sesiwn gwaith tîm gyda gwahanol dasgau, gyda chasgenni a phlanciau dros bob man! Ar ôl cinio, bydd cyfle i ystyried gwahanol yrfaoedd yn y lluoedd arfog – pethau fel gyrrwr, plymer, trydanwr, meddyg. Gan fod dros 200 o wahanol fathau o swyddi ym Myddin Prydain yn unig, mae angen gofalu eu bod yn gwneud y dewis cywir.
Yna, mae’r dysgwyr yn newid i siorts, crys T a threnars ar gyfer sesiwn ymarfer corff. Caiff y dysgwyr eu hasesu ar y dechrau a chaiff cynllun ffitrwydd ei drefnu i’w paratoi ar gyfer y profion dewis.
Yn ogystal â’r hyfforddiant i’w paratoi ar gyfer bywyd milwrol, mae’r dysgwyr yn cymryd rhan mewn prosiectau cymunedol a digwyddiadau codi arian. Maent yn dysgu hunanddisgyblaeth, sgiliau cyfweliad a sgiliau cyflwyno ac yn cael cyflwyniad i sut i fod yn arweinydd.
Mae North Wales Training yn cydweithio’n agos â Swyddfa Gyrfaoedd y Lluoedd Arfog ac yn cefnogi’r dysgwr ar hyd y daith. Os bydd yn penderfynu nad yw am ddilyn gyrfa yn y lluoedd arfog, caiff gynnig lle ar ein rhaglen Aspire i’w helpu i benderfynu ar yrfa addas arall neu le mewn addysg bellach lle bydd y sgiliau a’r profiadau a gafodd ar y cwrs yn siwr o fod o gymorth.
Cynllun Prentisiaethau yn Meithrin Doniau Peirianyddol mewn Coleg
Mae asiantaeth cyflogi prentisiaid yn parhau i brofi mai gyda phrofiad gwaith a hyfforddiant ffurfiol yw’r ffordd orau i bobl ifanc sicrhau mynediad diogel i ddiwydiannau penodol.
Cafwyd Cwmni Prentis Menai ei sefydlu yn 2010 gan Goleg Menai, ac mae’n profi bod swyddi o ansawdd uchel ar gael gyda’r sgiliau cywir.
Dychwelodd saith cyn prentis i’r coleg i gyfarfod bwrdd cyfarwyddwyr Cwmni Prentis Menai i dderbyn eu tystysgrifau ar ôl cwblhau’r hyfforddiant prentisiaeth yn llwyddiannus.
Cafodd Iwan Torr, James Ross, Carwyn Griffith, Nicolas Jones, Rhys Hughes, Osian Jones, Dafydd Owen and Jason Butcher gyflogaeth yn y sector peirianneg ar ôl cwblhau eu prentisiaeth gyda chwmnïau megis Babcock International, GIG, Rheilffordd yr Wyddfa ac Wylfa.
Dywedodd Dafydd Evans, Pennaeth Coleg Llandrillo a Chyfarwyddwr Cwmni Prentis Menai: “Mae cael bod yma’n brofiad gwych. Dyma saith fachgen lleol sydd wedi llwyddo cael swyddi da gyda gobeithion uchel, ac mae hyn yn crynhoi gweledigaeth Cwmni Prentis Menai – sicrhau bod pobl ifanc lleol yn derbyn y sgiliau a’r hyfforddiant angenrheidiol i gymryd mantais o gyfleoedd gwaith sy’n gofyn am sgil penodol.” Darllen mwy …
Enillwyr o Gymru yng Ngwobrau’r Diwydiant Adeiladu
Ronia Griffiths gyda Phrif Weithredwr CITB, Exec Adrian Belton.
Mae prentisiaid a chwmnïau adeiladu o Gymru yn dathlu llwyddiant yng Ngwobrau Prentisiaethau Asiantaethau Rheoli Bwrdd Hyfforddi’r Diwydiant Adeiladu (CITB), a gynhaliwyd yn y Plaisterers Hall yng nghanol Llundain.
Enwyd cwmni Redrow o Sir y Fflint yn Gyflogwr Mawr y Flwyddyn ac enillodd cwmni T Richard Jones (Betws) Ltd wobr Cyflogwr BBaChau y Flwyddyn, Cymru, a’r wobr i gydnabod llwyddiant ledled Prydain.
Aeth gwobr Prentis y Flwyddyn, Cymru i Ronia Griffiths, Peiriannydd Sifil dan hyfforddiant sy’n gweithio gydag Alun Griffiths Ltd o’r Fenni.
Ar ôl cael ei gwobr, dywedodd Ronia: “Mae’n fraint ennill y wobr hon. Roedd cael fy enwebu’n wych ond mae ennill yn ffantastig! Mae fy mhrentisiaeth wedi dysgu cymaint i mi ac wedi rhoi hwb mawr i fy hyder. Roedd yn dda cael cyfle i ennill cyflog wrth ddysgu set o sgiliau a byddwn yn annog unrhyw un sy’n ystyried cychwyn prentisiaeth i roi cynnig arni. Hoffwn i ddiolch i bawb yn CITB ac yn Alun Griffiths Ltd am eu holl gymorth.”
Dywedodd Cyfarwyddwr Partneriaethau Strategol CITB yng Nghymru, Mark Bodger:
“Llongyfarchiadau i’r holl enillwyr o Gymru. Mae amrywiaeth y sefydliadau a anrhydeddwyd yn dangos pa mor amrywiol yw’r diwydiant adeiladu yng Nghymru – o fusnesau teuluol i gwmnïau adeiladu mawr. Mae’n wych gweld pob rhan o’r diwydiant yn cael eu cydnabod a’u gwobrwyo.”
“Llongyfarchiadau mawr i Ronia Griffiths am ennill gwobr Prentis y Flwyddyn, Cymru. Mae Ronia yn esiampl ardderchog a hoffwn ddymuno llwyddiant iddi yn y dyfodol yn y diwydiant adeiladu.”
Mae Gwobrau Prentisiaethau Asiantaethau Rheoli’r CITB yn dathlu llwyddiant prentsisiaid y CITB a’r cyflogwyr sy’n helpu’r CITB i’w darparu. Cyflwynwyd y gwobrau gan Brif Weithredwr CITB, Adrian Belton.
Sarah yw prentis cyntaf Cymru ym maes trin a gwerthu pysgod
Sarah O’Connor â’i harddangosfa bysgod yn The Fabulous Fish Company.
Mae dynes a roddodd y gorau i swydd yn gwerthu hysbysebion ar gyfer papur newydd y Glasgow Herald i ddechrau ei busnes ei hun yng Nghymru wedi cael ei disgrifio fel “enghraifft wych o werthu pysgod ar ei orau yng Nghymru”.
Sarah O’Connor, sy’n rhedeg The Fabulous Fish Company yng Nghanolfan Arddio Cas-gwent yng Nghas-gwent, yw’r gwerthwr pysgod cyntaf yng Nghymru i gwblhau prentisiaeth sylfaen mewn Sgiliau Pysgod a Physgod Cregyn.
Mae’r brentisiaeth yn rhan o fframwaith cenedlaethol Gweithgynhyrchu Bwyd a Diod, a chafodd ei darparu gan y darparwr dysgu yn y gwaith Cwmni Hyfforddiant Cambrian o’r Trallwng, sydd wedi ennill gwobrau.
Yn daer am newid gyrfa, deffrodd Sarah un bore yn y ddinas a oedd yn gartref iddi, Glasgow, a phenderfynu ei bod eisiau gwerthu pysgod. Ar unwaith dechreuodd geisio darganfod sut i wireddu ei breuddwyd. Darllen mwy …
Busnesau o Gymru’n arwain y ffordd at Brentisiaeth Uwch gyntaf y DU mewn Bancio
(Cefn, Chwith i’r Dde) Ceri Thomas, Laura Jane Palmer, Andrew Gay (Blaen, Chwith i’r Dde) Carrie Ann Morris, Maria Vidler ac Andrew McGill.
Mae dau fusnes uchel eu parch o Gymru yn dathlu llwyddiant chwech o brentisiaid Cymdeithas Adeiladu’r Principality yn cwblhau Prentisiaeth Uwch mewn Bancio – Lefel 4; y gyntaf ym Mhrydain.
Daeth cwmni Acorn o Gasnewydd, un o brif asiantaethau recriwtio a hyfforddi arbenigol y Deyrnas Unedig, a Chymdeithas Adeiladu’r Principality ac ei gilydd i greu rhaglen brentisiaethau bwrpasol.
Bu chwech o reolwyr y Principality a enwebwyd gan uwch-reolwyr ac adran adnoddau dynol y gymdeithas adeiladu yn gweithio ar y ddiploma dros 18 mis.
Trwy hyn, roedd y myfyrwyr yn gallu esbonio ffactorau allweddol ym meysydd deddfwriaeth, rheoliadau a risg sy’n berthnasol i wasanaethau ariannol manwerthu ac yn gallu deall goblygiadau a dulliau gweithredu bancio manwerthu.
Y prentisiaid a enillodd y cymhwyster, a achredir gan y Sefydliad Gwasanaethau Ariannol, yw Andrew McGill, o’r Coed-duon, Ceri Thomas, o Gaerffili, Laura Palmer, o Henffordd, Carrie Ann Morris, o Groesoswallt, a Maria Vidler ac Andrew Gay, y ddau o Gaerdydd.
I gydnabod eu llwyddiant, llongyfarchwyd y prentisiaid i gyd gan Julie James, Dirprwy Weinidog Sgiliau a Thechnoleg ac AC Gorllewin Abertawe, mewn dathliad yng Nghanolfan Mileniwm Cymru.
Dywedodd Julie James: “Mae llwyddiant y dysgwyr hyn yn dystiolaeth o waith caled pawb sy’n gysylltiedig â’r fenter gydag Acorn a Chymdeithas Adeiladu Principality. Trwy gydweithio, y ddau gwmni Cymreig hyn yw’r cyntaf yn y Deyrnas Unedig i gynnig y Brentisiaeth Uwch, Lefel 4, hon. Mae hyn yn newyddion gwych i Gymru ac yn cadarnhau bod gan Brentisiaethau le pwysig yn y diwydiant ariannol.”
Dywedodd Helena Williams, cyfarwyddwr datblygu corfforaethol Acorn: “Rydym wrth ein bodd â llwyddiant ein prentisiaid bancio.
“Rydym wedi cydweithio â’r Principality ar brentisiaethau ers sawl blwyddyn, gan ddarparu prentisiaethau sylfaen Lefel 2 a phrentisiaethau Lefel 3 ac felly, pan glywsom fod prentisiaeth uwch, Lefel 4, mewn bancio ar gael, y peth naturiol i’w wneud oedd ei threialu gyda nhw.
“Gweithiodd pawb yn galed iawn i lunio model cyflenwi o gwmpas y safonau cenedlaethol ac i sicrhau ei fod yn berthnasol ac yn fuddiol i bawb.
“Gwnaeth y prentisiaid eu gorau glas i sicrhau eu bod yn cwblhau’r cymhwyster ac fe gawsant gefnogaeth eithriadol gan yr uwch-reolwyr a’r cyfarwyddwyr. Fe wnaeth y gymdeithas adeiladu ymroi yn llwyr i ddatblygu eu pobl gan ddefnyddio prentisiaethau a dyna un o’r prif resymau pam mai ni yw’r cyntaf yn y Deyrnas Unedig i gael y llwyddiant hwn.”
Dyddiadau i’ch Dyddiadur
19 – 21 Tachwedd 2015
The Skills Show – NEC Birmingham
Cliciwch yma am fwy o wybodaeth.
14 – 18 Mawrth 2016
Wythnos Prentisiaethau
Iaith Gymraeg/Diwylliant Cymreig
31 Rhagfer 2015
Mari Llwyd – Taith Cerdded y Flwyddyn Newydd
Cliciwch yma am fwy o wybodaeth.
25 Ionawr 2016
Diwrnod Santes Dwynwen
Cliciwch yma am fwy o wybodaeth.
21 Chwefror 2016
Diwrnod Rhyngwladol Mamiaith
Cliciwch yma am fwy o wybodaeth.
1 Mawrth 2016
Dydd Gŵyl Dewi
Cliciwch yma am fwy o wybodaeth.
I gael gwybod rhagor am yr holl ddigwyddiadau sydd ar y gweill yng Nghymru, ewch i’r wefan hon:
http://www.visitwales.com/things-to-do/whats-on
Yn ôl i’r brig»
[TABLE=14]
More News Articles
« EE yn derbyn gwobr genedlaethol ar ôl i’w raglen brentisiaeth roi hwb i sgiliau a’r gyfradd cadw staff — Llwyddiant dwbl ar gyfer darparwr hyfforddiant o Gaerdydd yng Ngwobrau Prentisiaethau Cymru »
